मुंबई-पुणे द्रुतगती महामार्गावर कंटेनरची आयशर टेम्पोला मागून जोरदार धडक; वाहनांचं मोठं नुकसान, एक जखमी

मुंबई-पुणे द्रुतगती महामार्गावर कंटेनरची आयशर टेम्पोला मागून जोरदार धडक, वाहनांचं मोठं नुकसान, एक जखमी
पनवेल ( संजय कदम ) : 
गुरुवार दि. 19 डिसेंबर 2024 रोजी सकाळी सुमारे 6:30 वाजता मुंबई-पुणे द्रुतगती महामार्गावर पनवेल तालुका पोलीस ठाण्याच्या हद्दीतील कसळखंड गावा जवळ आयशर टेम्पो आणि कंटेनर यांच्यात अपघात होऊन एक जण जखमी झाला असल्याचे समजते. 
 प्राप्त महितीनुसार, आयशर (क्र. MH 12 SX 2232) टेम्पोवरील चालक, सिद्धेश्वर हनुमंत माळी (वय 40, रा. पुणे), मुंबईकडे जात असताना कंटेनर (क्र. MH 46 BF 4904) चालक रवींद्र पटेल (वय 37, रा. न्हावासेवा) याचा वाहनावरील ताबा सुटल्याने आयशर टेम्पोला पाठीमागून जोरदार धडक दिली. या अपघातात कंटेनर चालक रवींद्र पटेल याच्या पायाला किरकोळ दुखापत झाली असून दोन्ही वाहनांचे मोठे नुकसान झाले आहे. मात्र, वाहन शोल्डर लेनला उभे असल्याने वाहतुकीला कोणताही अडथळा निर्माण झालेला नाही.
अपघातस्थळी पळस्पे मोबाईल वरील पोलीस आणि IRB स्टाफ त्वरित हजर झाले. याबाबतचा गुन्हा पनवेल तालुका पोलीस ठाण्यात करण्यात करण्यात आला असून पुढील तपास पनवेल पोलिस करीत आहेत.  

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading