PEN न्यूज ऑनलाइन टीम :
मुंबई, ठाणे, पालघर आणि रायगड जिल्ह्यातील 6,500 हून अधिक शिक्षकांना त्यांच्या थकीत 56 कोटी रुपयांपेक्षा अधिक रकमेचा दिलासा मिळणार आहे. ही बिले शिक्षण संचालक कार्यालयाकडे मंजुरीसाठी पाठविण्यात आली आहेत.
मुंबई मुख्याध्यापक संघटनेचे उत्तर विभाग अध्यक्ष आणि भाजप प्रदेश कार्यकारिणीचे निमंत्रित सदस्य अनिल बोरनारे यांच्या पाठपुराव्यामुळे शिक्षण उपसंचालक संदीप संघवे यांनी ही बिले मंजुरीसाठी पुढे पाठवली आहेत.
जिल्हानिहाय शिक्षक आणि थकीत रक्कम:
मुंबई दक्षिण – 1,815 शिक्षक, ₹14.16 कोटी
मुंबई पश्चिम – 698 शिक्षक, ₹4.21 कोटी
मुंबई उत्तर – 1,700 शिक्षक, ₹19 कोटी
ठाणे प्राथमिक – 689 शिक्षक, ₹6.38 कोटी
ठाणे माध्यमिक – 666 शिक्षक, ₹5.32 कोटी
पालघर माध्यमिक – 463 शिक्षक, ₹7.28 कोटी
रायगड माध्यमिक – 676 शिक्षक, ₹67.11 लाख
शिक्षकांच्या वरिष्ठ वेतनश्रेणी, सेवाजोडणी, नियमित वेतन खंड आदी थकीत बिलांसाठी अनेक अडचणी येत होत्या. शिक्षण विभागाच्या विलंबामुळे शिक्षकांना मनस्ताप सहन करावा लागत होता. आता ही थकीत बिले लवकरच त्यांच्या खात्यावर जमा होणार आहेत.
