मुंबई-गोवा महामार्गावर वाहतूक कोंडी, कोलाड ते माणगाव दरम्यान लांबच लांब रांगा,एकच संताप

कोलाड ( श्याम लोखंडे ) :

मुंबई-गोवा राष्ट्रीय महामार्ग ६६ वरील कोलाड ते माणगाव दरम्यान इंदापूर २३ किलोमीटरच्या अंतरावर वाहनांच्या लांबच लांब रांगा लागल्या होत्या. यामुळे प्रवाशी वर्गाचा खोळंबा निर्माण झाल्याने एकच संताप व्यक्त केला जात होता.

गणेश उत्सवासाठी लाखो चाकरमानी आपल्या गावाला जात असतात. यावर्षी ही सकाळ पासून मुंबई गोवा महामार्गावरुन टुव्हीलर, रिक्षा, फोरव्हीलर, एसटी बस, खाजगी बस, मालवाहू ट्रक, प्रचंड मोठया प्रमाणात वाहतूक सुरु  झाल्यामुळे कोलाड इंदापूर ते माणगाव या २३ किलोमीटरच्या अंतरावर लांबच लांब रांगा लागल्यामुळे वाहतूक कोंडी निर्माण झाली होती.

यामध्ये कोलाड इंदापूर, माणगाव बाजारपेठेतील रस्ता एकेरी असल्यामुळे येथे मोठया प्रमाणात वाहतूक कोंडी निर्माण झाल्यामुळे प्रवाशी वर्गाचा खोळंबा झाल्याने गावाला जाण्यासाठी विलंब होत होता.

या वाहतूक कोंडीमुळे चार ते पाच तासाच्या प्रवासाला १२ ते १५ तास लागत होते. मुंबई गोवा हायवे वरील प्रवास सुखकर व्हावा यासाठी रायगड पोलिसांकडून चोख बंदोबस्त ठेवण्यात आला असुन जागजागी ठेवण्यात आलेल्या पोलिस बंदोबस्तामुळे वाहतूक कोंडी सुरळीत होण्यासाठी शर्थिचे प्रयत्न करीत आहेत.