मुंबई -गोवा महामार्गावर सुकेळी खिंडीत टँकर पलटी, एक जखमी

कोलाड (श्याम लोखंडे) :

मुंबई गोवा महामार्गावर सुकेळी खिंडीत रविवारी सायंकाळी सातच्या सुमारास माळवाहू टँकर पलटी झाल्याने मार्गावर एकच खळबळ उडाली तर स्थानिक रेस्क्यू टीम तत्काळ घटनास्थळी धाव घेत प्रसंग सावध राखत टँकर मधील जखमी झालेल्या एका इसमाला सुखरूप बाहेर काढत पुढील उपचारास धाडले असल्याचे समजले मात्र अपघाताचे कारण अद्याप समोर आले नसल्याचे समजले.

होळी सणानिमिताने असंख्ये चाकरमानी मुंबईहून कोकणात आपल्या गावी गेले होते तर त्यांचा परतीचा प्रवास सुरू असतानाच मार्गावर माणगाव, इंदापूर कोलाड काही ठिकाणी त्यांना वाहतूक कोंडीला सामोरे जावे लागले. 

सुकेळी खिंडीत कोलाड बाजूकडून नागोठणे बाजूकडे जाणारा टँकर अचानक मार्गावर पलटी होऊन अपघात घडल्याची घटना घडली तर मार्गावर दोन्ही बाजूंनी वाहतूक कोंडी निर्माण झाली होती मात्र पोलिसांसह मदत कार्य ताबोडतोब घटना स्थळी दाखल झाल्याने काही काळाने वाहतूक सुरळीत सुरू करण्यात यश आले.

 घडलेल्या अपघाती घटनेचा अधिक तपास पोलिसांकडून होत असल्याची माहिती सूत्रांकडून मिळाली आहे.