मुंबई-गोवा महामार्गावर सुकेळी येथे कार आणि ट्रकचा अपघात

सुकेळी ( दिनेश ठमके)  :

मुंबई – गोवा महामार्गावरील अपघातांची मालिका सुरू असतांनाच ( दि.१६) रोजी सकाळी ११.१० वाजण्याच्या सुमारास सुकेळी गावाच्या हद्दीमध्ये कार व ट्रक  या दोन वाहनांमध्ये अपघात होऊन कारचे मोठ्या प्रमाणात नुकसान झाले असुन अपघातात कोणत्याही प्रकारची दुखापत झाली नाही.

उपलब्ध झालेल्या माहितीनुसार कोलाड बाजुकडुन मुंबईकडे जाणारी कार क्रं. एम.एच.४६ एक्स. ७५५२ गाडी चालक अब्दुल जब्बार फाकी ( वय- ४३) रा. श्रीवर्धन.‌हे आपल्या ताब्यातील कार घेऊन सुकेळी हद्दीमध्ये आल्यानंतर समोरून जाणारा टॅकर क्रं. एम. एच. ०४ . एफ . डी ०८४७ चालक शिवकुमार ( वय- २७) याचे चुकीच्या दिशेने ओव्हरटेक करण्यामध्ये ट्रक व कार या दोन वाहनांमध्ये अपघात घडला.

या अपघातात कारच्या उजव्या बाजुचे दोन्ही दरवाज्यांचे मोठ्या प्रमाणात नुकसान झाले आहे. दरम्यान या अपघाताची माहिती मिळताच वाकण टॅबच्या सहायक पोलिस निरीक्षक गितांजली जगताप यांच्या मार्गदर्शनाखाली महामार्ग पोलिस केंद्र वाकण टॅब येथिल कर्मचाऱ्यांनी रस्त्यावरील दोन्ही वाहने बाजुला करुन वाहतूक सुरळीतरित्या सुरू करण्यात आली.