अलिबाग ( अमुलकुमार जैन ) :
मुंबई गोवा महामार्गावर कासू नजीक जुई अब्बास स्टॉपसमोरुन रस्ता ओलांडताना दुचाकीच्या धडकेत एका इसमाचा जागीच मृत्यू झाला आहे. याबाबतचा गुन्हा वडखळ पोलिस ठाण्यात करण्यात आला आहे.
प्राप्त महितीनुसार, पेण तालुक्यातील मुंबई गोवा राष्ट्रीय महामार्गावरील कासू नजीक जुई अब्बास स्टॉपसमोरुन पायी गोवा ते मुंबई असा जाणारा रस्ता क्रॉस करीत असताना नागोठणे बाजूकडून मुंबई बाजूकडे जाणारे अव्हेंजर मोटार सायकल नं. एम एच 02 ई जे 1735 ही वरील चालक प्रशांत पवार (वय ३३ वर्षे, रा.रुम नं. ०३, धावलकर चाळ खिंडीपाडा, दुर्गा रोड नवजीवन सोसायटी, मुलूंड वेस्ट मुंबई) याने त्याचे ताब्यातील मोटार सायकल ही अतिवेगाने ,हयगयीने , रस्त्याचे परिस्थीतीकडे दुर्लक्ष करून चालवून रस्ता क्रॉस करणारे मयत इसम मोरेश्वर काशिनाथ पाटील यांना जोराची ठोकर मारून अपघात करून त्यांचे डोक्याला, पायाला गंभीर स्वरूपाच्या जखमा होवून त्यांचे मरणास कारणीभूत झाला. या बाबतची फिर्याद जगदीश मोरेश्वर पाटील (वय ४८ वर्षे, व्यवसाय शेती रा.कासू, ता.पेण, जि. रायगड ) यांनी वडखळ पोलिस ठाण्यात दिली आहे.
याबाबत वडखळ ठाणे पोलीस येथे गु.र.नं.178/2024, मोटार वाहन अधिनियम, 1988 चे कलम 184, भारतीय न्याय संहिता 2023 चे कलम 106(1),125(B),281 प्रमाणे गुन्हा दाखल करण्यात आला असून अधिक तपास पोलीस हवालदार महेश ठाकूर हे करीत आहेत.
