देशाचे पंतप्रधान नरेंद्र मोदी यांचे हात बळकट करण्यासाठी , हिंदुत्ववादी विचारांचं सरकार या देशात प्रस्थापित करण्यासाठी एकत्र येऊन आपल्याला काम करायचं आहे. त्यामुळे आपल्यासाठी ही निवडणूक प्रतिष्ठेची असून महायुतीचे उमेदवार श्रीरंग बारणे यांच्यासाठी सर्वांनी कामाला लागा. नेरळ येथे श्रीरंग बारणे यांची लवकरच जंगी सभा आपण घेणार असल्याची माहिती आमदार महेंद्र थोरवे यांनी नेरळ पंचायत समितीच्या आढावा बैठकीत दिली.
बुधवार दिनांक ३ एप्रिल रोजी रोजी मावळ मतदारसंघ लोकसभा निवडणुकीच्या अनुषंगाने नेरळ पंचायत समिती वार्डाची आढावा बैठक आयोजित करण्यात आली होती. नेरळ येथील लक्ष्मी व्यंकटेश सभागृहात आमदार महेंद्र थोरवे यांच्या प्रमुख मार्गदर्शनाखाली ही बैठक पार पडली. तर बैठकीसाठी मोठ्या प्रमाणात पदाधिकारी कार्यकर्ते उपस्थित होते. दरम्यान यावेळी शिवसैनिकांनी गाफील राहू नये, माझं तुमच्यावर लक्ष आहे. ही लोकसभा म्हणजे विधानसभेची रंगीत तालीम असून निवडणुकीत कुठल्याही कार्यकर्त्यांकडून बेजबाबदारपणा चालणार नाही असे आमदार थोरवे यांनी उपस्थित पदाधिकारी व कार्यकर्ते यांना ठणकावले.
या बैठकीसाठी जिल्हाप्रमुख संतोष भोईर, विधानसभा संघटक शिवराम बदे, तालुका प्रमुख संभाजी जगताप, विधानसभा सहसंपर्क प्रमुख सुनील रसाळ, युवासेना तालुका प्रमुख अमर मिसाळ, युवासेना विधानसभाप्रमुख प्रसाद थोरवे, उपतालुकाप्रमुख अंकुश शेळके, जिल्हा सचिव रत्नाकर कोळंबे, नेरळ ग्रामपंचायत सरपंच उषा पारधी, जिल्हा सल्लागार संतोष भोईर, तालुका सचिव अंकुश दाभणे, आदी उपस्थित होते. तर नेरळ शहर प्रमुख प्रभाकर देशमुख यांच्या मध्यांतून बैठकीचे नेटके नियोजन करण्यात आले होते.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.