माथेरानमध्ये परदेशी पाहुणेही रंगले रंगपंचमीच्या रंगात

माथेरान ( मुकुंद रांजाणे ) :

आज माथेरानमध्ये पारंपारिक रंगपंचमी सण मोठ्या उत्साहात साजरा करण्यात आला. यावेळी माथेरानमध्ये आलेल्या परदेशी पाहुण्यांनी देखील रंगपंचमीचा मनमुराद आनंद घेतला. माथेरान मधील स्थानिकांबरोबर एकमेकांवर रंग उधळत आनंद साजरा केला.

माथेरानमध्ये अनेक वर्षांपासून होळीच्या पाचव्या दिवशी रंगपंचमीचा सण मोठ्या आनंदाने उत्साहाने साजरा करण्यात येतो. येथे असलेल्या कोकण व घाटावरील संस्कृतीनुसार येथे धुळवड साजरी न होता रंगपंचमी स्थानिकांसाठी मोठा उत्सव असतो.

रंगपंचमीच्या दिवशी दुपारी मुख्य बाजारपेठ मध्ये सर्व स्थानिक एकत्र येत रंगपंचमीचा आनंद घेत असतात यावेळी सर्व धर्मीय रंगमंचामध्ये सामील होताना पहावयास मिळते यावेळी माथेरानमध्ये आलेल्या परदेशी पाहुण्यांनी देखील रंगपंचमीचा आनंद घेतला