माथेरानच्या मुख्य बाजारपेठेत रस्त्याच्या कडेला असणाऱ्या गटारांच्या बाजूला केलेल्या अतिक्रमणांमुळे सफाई कामगारांना कचरा उचलण्यात अडचणी निर्माण होत असल्याने कचरा तसाच पडून आहे. त्यामुळे नागरिकांच्या आरोग्यास धोका निर्माण होण्याची शक्यता नाकारता येत नाही. जागोजागी अतिक्रमणाने व्यापलेल्या माथेरानमध्ये आता मुख्य बाजारपेठेत सुद्धा रस्त्याच्या कडेला गटाराच्या बाजूला नगरपालिकेच्या जागेत पत्र्याचे कंपाउंड टाकून जागा बळकावण्याचा केविलवाना प्रयत्न केला जात आहे.
या अतिक्रमणामुळे माथेरानच्या बाजारपेठेच्या सौंदर्याला बकालपणा आलेला असून पर्यटन नगरीत असे विद्रूपीकरण पर्यटकांच्या दृष्टीने अडचण निर्माण करणारे ठरत आहे. याबाबत नगरपरिषदेच्या अधिकाऱ्यांना नागरिकांनी वेळोवेळी सूचना करून त्याचप्रमाणे याबाबत प्रसारमाध्यमांवर सुद्धा बातम्या प्रसिद्ध झालेल्या असताना देखील नगरपरिषद प्रशासन डोळेझाक करताना दिसत आहेत. प्रशासकीय राजवटीत मुख्याधिकाऱ्यांना सर्वाधिकार असताना त्यांनी आपल्या अधिकाराची अंमलबजावणी करणे गरजेचे असताना काही राजकीय मंडळींच्या आदेशाचे पालन करून अशा अतिक्रमणांवर दुर्लक्ष करीत आहेत की काय असा सवाल नागरिक उपस्थित करत आहेत.
या पत्र्याच्या कंपाउंड मागील गटारात ओला आणि सुका कचरा काही व्यापारी वर्ग टाकत असल्याचे बोलले जात आहे .त्यामुळे दुर्गंधी पसरून नागरिकांच्या तसेच पर्यटकांच्या आरोग्याला धोका निर्माण होण्याची शक्यता नाकारता येत नाही. नगरपरिषद प्रशासनाने लवकरच मुख्य बाजारपेठेतील गटारांच्या बाजूला पत्र्याचे कंपाउंडचे केलेले अतिक्रमण काढून टाकावे अशी मागणी जोर धरू लागली आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.