माथेरानच्या पायथ्याशी वसलेलं खालापूर तालुक्यातील गारबटवाडीत भूस्खलन

lanslide
माथेरान ( मुकुंद रांजाणे ) : खालापूर तालुक्यातील इरशालवाडी गावावर दरड कोसळून घडलेली दुर्घटना ताजी असतानाच आता याचा तालुक्यातील माथेरान डोंगर कुशीत वसलेले गारबटवाडी गावात आज पहाटेच्या सुमारास डोंगराचा काही भाग भूस्खलन होऊन कोसळला आहे,तर जमिनीला देखील मोठ्या प्रमाणात भेगा पडल्या असल्याने येथील ग्रामस्थ भयभीत झाले आहेत, घटनास्थळी तहसीलदार व आपत्ती व्यवस्थापन प्रशासन दाखल झाली.
 रायगड जिल्ह्याततील खालापूर तालुक्यातील इरशालवाडीवर दरड कोसळून घरे गाडली गेली, त्यासोबत माणसे ही गाडली गेली, काहींचे मृतदेह सापडले तर काही थोडक्यात बचावले. मात्र संपूर्ण गाव उध्वस्त झालं शेकडो ने मनुष्यहानी झाली.या घटनेने महाराष्ट्र हादरून गेला. ही घटना ताजी असतानाच आता याच तालुक्यातील निसर्ग सौन्दर्य माथेरानच्या डोंगर कुशीत वसलेले गारबटवाडी गावात आज पहाटेच्या सुमारास ज डोंगराचा काही भाग कोसळला आहे. जमिनीला तडा गेल्यात, तीनशे साडे तीनशे लोकांची वस्ती असलेल्या या गावाला आता भूस्खलनाचा धोका निर्माण झाला आहे.
गावात जाण्यासाठी माथेरानच्या दस्तुरी या पॉइंट येथून जावे लागते, माथेरानच्या या सह्याद्रीच्या डोंगर कुशीत वसलेले हे गाव मुसळधार पावसामुळे पोखरू लागलं. येथील मातीचा मलबा पाण्यासोबत वाहून गेला, तर काही भाग वाहून जाण्याच्या स्थितीत आहे, खालापूर तहसीलदार आयुब तांबोळी व आपत्ती व्यवस्थापन प्रशासन यांनी गावाला भेट देत, नागरिकांना स्थलांतर होण्यासाठी सूचना केल्यात.
माथेरानच्या डोंगर कुशीतील दुसऱ्या टोकाला असणाऱ्या पनवेल तालुक्यातील धोदाणी गावात ही डोंगराचा भाग खचून गावाला धोका निर्माण झाला, येथे ग्रामस्थ रात्रभर जागून आहेत, प्रशासन रात्री घटनास्थळी दाखल झाली, काही तरुण मंडळी मदतीसाठी पोहचली, सतत धार पडणाऱ्या या मुसळधार पावसाने हाहाकार माजवला असल्याने डोंगर परिसरातील राहणाऱ्या आदिवासी भागातील नागरिकांचे जीवन मात्र धोक्यात आले आहे.
रायगड जिल्ह्याला अक्षरशः पावसाने झोडपून काढले आहे, सध्या हवामान विभागाने रेड अलर्ट जारी केले असून जिल्ह्या प्रशासनाने सुरक्षितेच्या दृष्टीने काही गावांना स्थलांतर करण्यासाठी नोटीसा दिल्यात परंतु काही गाव स्थलांतर होण्यास नकार देखील देत असल्याचे समोर आलं आहे.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading