माथेरानचे माजी रेल्वे स्टेशन मास्तर रवींद्र मोरे यांचं निधन

माथेरान (मुकुंद रांजाणे) : 

माथेरान रेल्वे स्टेशन मधील माजी स्टेशन मास्तर रवींद्र पांडुरंग मोरे यांचे दि.१३ रोजी मुंबई( नाहूर) येथे सकाळी आकस्मिक निधन झाले.

माथेरान रेल्वे स्टेशन मध्ये त्यांनी पाच वर्षे १९८४-८५ सालात यशस्वीपणे कार्यभार सांभाळला होता.सर्वांशी आपुलकीने वागणारे रवींद्र मोरे यांनी त्यावेळी अल्पावधीतच मित्र परिवार जोडला होता.अत्यंत अदबीने आणि प्रेमाने एक माथेरानकर म्हणूनच इथे हितसंबंध जोडलेले होते. सेवानिवृत्त झाल्यानंतर सुध्दा इथले नाते कायम टिकून राहण्यासाठी त्यांनी अवर गृप नावाने मित्र मंडळ स्थापन करून दरवर्षी ग्रामदैवत श्री पिसारनाथ महाराज मंदिरात श्री सत्यनारायण महापूजेचे आयोजन सुरू केले त्यास जवळपास ४५ वर्षे पूर्ण झाली आहेत.

गरजवंताला नेहमीच त्यांनी मदतीचा हात दिला होता तर ऐन गर्दीच्या वेळी स्थानिकांना रेल्वेच्या डब्यात प्रवास उपलब्ध करून देण्यासाठी नेहमीच पुढाकार घेतला होता त्यामुळे सर्वांना रेल्वे सेवेची उत्तम प्रकारे सुविधा उपलब्ध व्हायची त्यांच्या निधनाची बातमी समजताच सर्वांनी दुःख व्यक्त केले आहे. रवींद्र मोरे यांच्या पश्चात पत्नी,दोन मुले, सुना, नातवंडे असा परिवार आहे.