रविवार, १२ जानेवारी रोजी महाराष्ट्र राज्य पत्रकार संघ पेण शाखेच्या नव्या पदाधिकाऱ्यांची निवड व नियुक्ती मोठ्या उत्साहात जाहीर करण्यात आली.
या कार्यक्रमाला शैलेश पालकर, राकेश खराडे, रोहा तालुका -अध्यक्ष किरण मोरे, सल्लागार समीर बामुगडे तसेच राजेश कांबळे, विनायक पाटील, स्वप्निल पाटील, किरण बांधणकर, गणेश पाटील, दीपक लोके, नितेश जाधव, प्रशांत पोतदार, रूपेश गोडिवले, सुदर्शन शेळके आदी मान्यवर उपस्थित होते.
या कार्यक्रमात कोकण कार्याध्यक्ष शैलेश पालकर यांचे स्वागत राजेश कांबळे यांनी केले, तर रायगड जिल्हाध्यक्ष राकेश खराडे यांचे स्वागत विनायक पाटील यांनी केले.
यावेळी शैलेश पालकर यांनी पत्रकारांच्या समस्या सोडवण्यासाठी आणि समाजातील अन्यायाविरोधात लढा देण्यासाठी संघटनेचे कार्य अधिक बळकट करण्याची भूमिका मांडली. त्याचबरोबर पालकर यांनी पेण तालुक्याशी असलेल्या आपल्या भावनिक नात्याचा उल्लेख करताना जुन्या आठवणींना उजाळा दिला व आपल्या अनुभवांमुळे उपस्थित सर्वांना मंत्रमुग्ध केले.
रायगड जिल्हाध्यक्ष राकेश खराडे यांनी सर्व पत्रकारांना सोबत घेऊन समाजात वाढत असलेल्या अन्यायाला वाचा फोडण्याचे काम तसेच पत्रकार बांधवांचे हीत जोपासण्याचे काम महाराष्ट्र राज्य पत्रकार संघाच्या माध्यमातून करायचे असल्याचे सांगितले.
नियुक्त पदाधिकारी यादी:
राजेश कांबळे – अध्यक्ष
विनायक पाटील – उपाध्यक्ष
स्वप्निल पाटील – सचिव
किरण बांधणकर – खजिनदार
दीपक लोके – सल्लागार
गणेश पाटील – सहसल्लागार
सुदर्शन शेळके – सहसचिव
सदस्य- रुपेश गोडीवले, मितेश जाधव, प्रशांत पोतदार
कार्यक्रमाचे सूत्रसंचालन स्वप्निल पाटील यांनी केले, तर प्रास्ताविक राजेश कांबळे यांनी केले. शेवटी चहापानाने कार्यक्रमाची सांगता झाली. कार्यक्रम संपूर्ण खेळीमेळीच्या वातावरणात आनंददायी पद्धतीने पार पडला.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.