महाराष्ट्र राज्य पत्रकार संघातर्फे राज्याच्या संभाव्य मुख्यमंत्री आणि मंत्री यांच्या गाठीभेटी घेऊन दीड महिन्यापूर्वी पत्रकार व वृत्तपत्रविक्रेत्यांसाठीच्या दोन महामंडळाच्या पाठपुराव्यास सुरूवात झाली असून संघाचे प्रदेशाध्यक्ष वसंत मुंडे यांनी संभाव्य मुख्यमंत्री देवेंद्र फडणवीस यांची तर संघाचे कोकण विभागीय कार्यकारी अध्यक्ष शैलेश पालकर यांनी महाडचे आ.भरत गोगावले यांनी भेट घेऊन पत्रकारांच्या संवाद यात्रेचा वृतांत तसेच महामंडळ निर्मितीसाठी आवाहन केले आहे.
महाराष्ट्र राज्य पत्रकार संघाचे प्रदेशाध्यक्ष वसंत मुंडे यांनी देवेंद्र फडणवीस यांची भेट घेऊन विधानसभा निवडणुकीत यशाबद्दल अभिनंदन केले. यावेळी संघातर्फे दीक्षाभूमी ते मंत्रालय पत्रकार संवाद यात्रेची माहिती पुस्तिका देऊन सविस्तर चर्चा केली. महाराष्ट्रात पहिल्यांदा पत्रकारांच्या मागण्यांबाबत संवाद यात्रा यशस्वी केल्याबद्दल फडणवीस यांनी कौतुक करून सरकार स्थापन झाल्यानंतर विक्रेता व पत्रकार महामंडळ कार्यान्वित करण्याबरोबरच इतर मागण्यांचा सकारात्मक विचार करू अशी ग्वाही वसंत मुंडे यांना दिली.
कोकण विभागीय कार्यकारी अध्यक्षांनी घेतली आ.गोगावले यांची सदिच्छा भेट
194 महाड विधानसभा मतदारसंघाचे नवनिर्वाचित आमदार भरतशेठ गोगावले यांना संवाद यात्रेचा वृत्तांत व पुढील कालावधीत महाराष्ट्र राज्य पत्रकार संघ मुंबईच्या पाठपुराव्याला अनूकुल राहण्याचे आवाहन प्रदेशाध्यक्ष वसंत मुंडे यांच्या आदेशानुसार पोलादपूर येथील कोकण विभागीय कार्यकारी अध्यक्ष व ज्येष्ठ पत्रकार शैलेश पालकर यांनी केले.
महाराष्ट्र राज्य पत्रकार संघ मुंबईतर्फे नागपूर दिक्षाभुमीपासून मुंबई मंत्रालयापर्यंत पत्रकार संवाद यात्रा काढण्यात आली.महाराष्ट्रातील महायुती सरकारने या संवाद यात्रेची दखल घेत पत्रकार व वृत्तपत्र विक्रेता यांच्यासाठी दोन स्वतंत्र महामंडळ स्थापन करण्याचा निर्णय घेतला आणि जीआर काढला आहे. या महामंडळ रचनेसाठी विजयी आमदारांनी महाराष्ट्र राज्य पत्रकार संघ मुंबईच्या मागणीला पाठिंबा दर्शवून सहकार्य करण्याचे आवाहन करण्यासाठी लवकरच कोकण दौरा विभागीय कार्यकारी अध्यक्ष ज्येष्ठ पत्रकार शैलेश पालकर यांच्या मार्गदर्शनाखाली काढण्याचा निर्णय महाराष्ट्र राज्य पत्रकार संघाचे रायगड जिल्हाध्यक्ष राकेश खराडे यांनी घेतला आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.