महायुतीतील मतभेद, थोरवे यांचा सुनिल तटकरे यांच्यावर थेट आरोप

कर्जत ( गणेश पवार ) :

राज्यात विधानसभेच्या निवडणुकांची रणधुमाळी सुरू असताना, १८९ कर्जत विधानसभा मतदारसंघातील महायुतीचे उमेदवार आमदार महेंद्र थोरवे यांनी राष्ट्रवादी काँग्रेस अजित पवार गटाचे सुधाकर घारे यांच्या अपक्ष उमेदवारीवरून सुनिल तटकरे यांच्यावर तीव्र आरोप केले आहेत.

थोरवे यांनी पत्रकार परिषदेत तटकरे यांना “महायुतीला लागलेले कॅन्सर” असे संबोधून, त्यांच्या भूमिकेवर प्रश्नचिन्ह उपस्थित केले. तटकरे महायुतीच्या उमेदवारांना संपवण्याचा प्रयत्न करत असल्याचा आरोप करत, जर तटकरे यांनी युतीधर्म पाळला नाही तर शिवसैनिकांना वेगळी भूमिका घ्यावी लागेल, असा थेट इशारा दिला.