महाड ( मिलिंद माने) :
मुंबईतील दादर येथे१९ ऑक्टोंबर रोजी शिवसेना शिंदे गटाच्या मेळाव्यात महाड विधानसभा मतदारसंघातील विद्यमान आमदार गोगावले यांना पाठिंबा देण्याचा निर्णय जाहीर केला तो निर्णय कुणबी समाजाचा नसून स्वतःच्या स्वार्थासाठी झोळी भरण्यासाठी व समाजाला वेठीस धरण्यासाठी ज्यांनी कोणी पाठिंबा दिला ते स्वतःच्या स्वार्थासाठी कुणबी समाजाचा वापर करीत असल्याचे सांगून रायगड जिल्हा कुणबी समाज समन्वय समितीचे उपाध्यक्ष सुभाष लाले यांनी कुणबी समाजाने असा कोणताही पाठिंबा शिंदे गटाच्या उमेदवाराला दिलेल्या नसल्याचे जाहीर केले यामुळे समाजाच्या नावावर पाठिंबा देणाऱ्यांचे पितळ उघडे पडल्याचे कुणबी समाजात चर्चिले जात आहे.
मुंबईतील दादर येथील बैठकीत कुणबी समाजाचा पाठिंबा शिंदे गटाच्या आमदार गोगावले यांना जाहीर करणारे जे असे लोक आहेत ते स्वतःच्या स्वार्थासाठी कुणबी समाजाचा वापर करून आपली झोळी भरण्यासाठी कुणबी समाजाला वेठीस धरत आहेत, पण आजता गायत कुणबी समाजाने जातीचे राजकारण केले नाही व करणार नाही असे सांगून सुभाष लाले म्हणाले की आज जनतेला व समाजाला सावध करण्यासाठी ही प्रतिक्रिया समाजाच्या वतीने मी देत आहे.
कुणबी समाजाचा अजून पर्यंत निवडणूक लढवणाऱ्या कोणत्याही कोणताही पक्षाला पाठिंबा देण्याचे जाहीर भूमिका घेतलेली नाही कारण जो तो आपल्या परीने लोकशाहीमध्ये प्रत्येक समाजात पक्ष विखुरलेला आहे कुठला समाज कोणाच्या बाजूने आहे तो काळ ठरवीत असतो असे सुभाष लाले यांनी सांगितले.
