मुंबई गोवा राष्ट्रीय महामार्गावर महाड विधानसभा मतदार संघातील निवडणूक यंत्रणेमार्फत चांढवे गावातील टोलनाक्यावर पोलादपूरहून महाडच्या दिशेने जाणाऱ्या वाहनांची आचारसंहिता लागू झाल्यानंतर तपासणी सुरू झाली आहे. मात्र, महाड तालुक्यातच सर्व विधानसभा उमेदवार असताना पोलादपूरकडे येणाऱ्या वाहनांऐवजी पोलादपूरहून जाणाऱ्या वाहनांची तपासणी या स्थिर तपासणी नाक्यावर केली जात असल्याने पर्यटक आणि प्रवाशांना ताप होत असून महाडकडून पोलादपूरकडे मोठमोठया र*** घेऊन जाणाऱ्या कार्यकर्त्यांसाठी वरदान ठरत आहे.
194-महाड विधानसभा मतदार संघात मतदारांना प्रलोभने दाखविण्यासाठी मोठमोठया र*** देण्याचा प्रकार प्रचंड प्रमाणात सुरू असून या मतदार संघातील सर्वच उमेदवार महाड शहर व तालुक्यातील असल्याने त्यांच्या कार्यकर्त्यांमार्फत पोलादपूरकडे र*** वाहतूक केली जात आहे. मात्र, आदर्श आचारसंहिता लागू झाल्यानंतर मुंबई गोवा राष्ट्रीय महामार्गावर महाड विधानसभा मतदार संघातील निवडणूक यंत्रणेच्या स्थिर तपासणी पथकामार्फत चांढवे गावातील टोलनाक्यावर पोलादपूरहून महाडच्या दिशेने जाणाऱ्या वाहनांची तपासणी सुरू झाली. त्यामुळे पर्यटक आणि प्रवासीवर्ग त्यांची वाहने थांबवून स्थिर तपासणी पथकांना सहकार्य करीत आहे. यावेळी पोलादपूरकडे जाणाऱ्या रस्त्यावर कोणत्याही प्रकारची वाहनतपासणी होत नसल्याने बिनदिक्कीतपणे अनेक कार्यकर्ते त्यांच्या वाहनांतून मोठमोठया र*** घेऊन पोलादपूरकडे रवाना झाल्याची चर्चा उघडउघड होऊ लागली आहे.
महाड विधानसभा मतदार संघात 9 भरारी पथकं आणि 9 व्हिडीओ पथके असून स्थिर पथकेदेखील 9 आहेत. मात्र, पोलादपूर तालुक्यात एकही स्थिर पथक नसल्याने या टोलनाक्यावरील तपासणीदरम्यान पोलादपूरकडे र*** घेऊन जाणाऱ्या वाहनांना बिनबोभाट मोकळीक मिळाल्याचे दिसून येत आहे. पोलादपूर तालुक्यात दोन्ही शिवसेना पक्षांच्या कार्यकर्त्यांनी आपआपल्या उमेदवारांसाठी प्रचंड मताधिक्याचा दावा केल्याने पोलादपूर तालुक्यात पोहोचलेल्या र***ची रसद नक्की किती असावी, याचा अंदाज राजकीय जाणकारांना येत असताना निवडणूक यंत्रणा मात्र सोयीस्कररित्या डोळयांवर झापडं लावून ही र*** वाहतूकीची मुभा देण्यासाठी महाड ते पोलादपूर मार्गिकेवर सर्व वाहने तपासणीविनाच जाऊन देत असल्याचे दिसून येत आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.