महाड : चवदार तळे येथे तोल जाऊन 51 वर्षीय इसमाचा बुडून मृत्यू !

रायगड (अमुलकुमार जैन) : 

रायगड जिल्ह्यातील महाड येथील चवदार तळे येथे सतिश बाबु कुरूणकर,(वय- ५१ वर्षे, रा.करंजखोल वरचा कोड ता. महाड, जि. रायगड) याचा तोल जाऊन मृत्यू झाला असल्याची फिर्याद अनिल गुलजारी चव्हाण, (वय- ५० वर्षे, सध्या रा.लाडवली मैत्री पार्क ता. महाड, जि रायगड ) यांनी महाड शहर पोलीस ठाण्यात दिली आहे.

याबाबत सविस्तर वृत्त असे की, मयत सतीश कुरुणकर हा इसम महाड शहरांतील भाजी मंडई रोड समोरील चवदारतळे येथील सिमेंट च्या कठडयावर पाठ टेकुन उभा होता त्या वेळी त्याचा तोल जावुन तो चवदारतळयाचे पाण्यात पडुन बुडुन गुदमरून मयत झाला.

याबाबत महाड शहर पोलीस ठाण्यात आकस्मित मृत्यू म्हणून दाखल करण्यात आला असून अधिक तपास पोलीस निरीक्षक संतोष जाधव यांच्या मार्गदर्शनाखाली पोलिस हवालदार पवार करीत आहेत.