कोकणातील मध्यवर्ती आगार म्हणून ओळखल्या जाणाऱ्या महाड एसटी आगारात मोठ्या प्रमाणावर चिखलाचे साम्राज्य पसरले असून सर्वसामान्य माणसांना चिखलातून व पाण्यातून वाट काढताना तारेवरची कसरत करावी लागत असतानाच दिव्यांग यांना देखील चिखलाच्या घाणीच्या साम्राज्यातून एसटी बस मध्ये प्रवेश करावा लागत असल्याचे धक्कादायक वास्तव्य उघड झाले आहे.
कोकणातील मध्यवर्ती आगार म्हणून ओळखल्या जाणाऱ्या महाड एसटी आगारात उन्हाळ्यात मोठ्या प्रमाणावर खड्ड्याचे साम्राज्य पसरलेले होते याबाबत प्रवाशांनी व नागरिकांनी एसटी महामंडळाकडे वारंवार लेखी तक्रारी करून देखील एसटी महामंडळाला जाग आली नाही अखेर या खड्ड्यांमध्येच मोठ्या प्रमाणावर पावसाळ्यात पाणी साचल्याने या पाण्यातून तसेच मोठ्या प्रमाणावर साचलेल्या चिखलातून मार्ग काढीत प्रवाशांना बस मध्ये प्रवेश करावा लागतो.
महाड आगारात मोठ्या प्रमाणावर चिखलाचे साम्राज्य पसरले असून सर्वसामान्य माणसांना बस मध्ये प्रवेश करताना तारेवरची कसरत करावी लागत असतानाच दिव्यांग यांची यांची देखील चिखलातूनच फरपट होत असल्याचे धक्कादायक वास्तव्य उघड झाले आहे वास्तविकता दिव्यांगांना असणारी व्हीलचेअर ही उपलब्ध करून देण्याचे काम स्थानक प्रमुख व आगार प्रमुख यांचे असताना तशी कोणती सुविधा दिव्यांग यांना या ठिकाणी उपलब्ध होत नाही मिळालेल्या माहितीनुसार दिव्यांग्यांसाठी असलेली व्हील चेअर स्थानक प्रमुखांच्या केबिनमध्ये बेवारस पडून आहे.
परिणामी दिव्यांगांना चिखलाच्या पाण्यातूनच मार्गक्रमण करीत एसटी बस मध्ये प्रवेश करावा लागत आहे मात्र महाड स्थानकात अनेक एसटी कर्मचारी या अपंगांना बसमध्ये प्रवेश करण्यासाठी कोणतीही मदत करीत नसल्याचे चित्रदेखील महाड एसटी आगारात पाहण्यास मिळत आहे. एकंदरीत दिव्यांग यांच्या कायद्याची व उपाय योजनांची अंमलबजावणी महाड एसटी आगाराकडून होते का असा प्रश्न या निमित्ताने उपस्थित होत आहे. कारण महाड आगार प्रमुखांना सर्वसामान्य प्रवाशांच्या सोयी सुविधांकडे लक्ष देण्यास वेळ असता तर दिव्यांग यांच्या असा चिखलातून मार्ग काडीत एसटी बस मध्ये व प्रवेश करण्याची ही वेळ आली नसती.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.