मनसेत तरुणांचा ओघ वाढला

उरण ( विठ्ठल ममताबादे ) :

मनसे जिल्हा मध्यवर्ती कार्यालयात जिल्हाध्यक्ष संदेश ठाकूर, उपजिल्हाध्यक्ष दीपक कांबळी, तालुका अध्यक्ष सत्यवान भगत, पर्यावरण सेनेचे जिल्हाध्यक्ष अभिजीत घरत, महिला तालुकाध्यक्ष कविता म्हात्रे, विद्यार्थी जिल्हा उपाध्यक्ष गणेश तांडेल यांच्या उपस्थितीत चाणजे ग्रामपंचायत, उलवे नोड, मोहपाडा येथील असंख्य तरुणांनी मनसेत प्रवेश केला. या प्रवेशासाठी मनसे वाहतूक सेनेचे विधानसभा चिटणीस सतीश पाटील व उप तालुका अध्यक्ष भालचंद्र म्हात्रे यांनी महत्त्वपूर्ण भूमिका बजावली.

खांदा कॉलनी येथील मनसे कार्यालयात कामोठे आणि शहरातील विविध भागांतील तरुणांनीही मनसे प्रवक्ते व महानगर अध्यक्ष योगेश चिले आणि जिल्हाध्यक्ष संदेश ठाकूर यांच्या उपस्थितीत पक्षप्रवेश केला.

या प्रवेशामुळे मनसेला तरुणांचा मोठा पाठिंबा मिळत आहे. दिवसेंदिवस मनसेकडे तरुण वर्गाचा ओघ वाढत असल्याचे चित्र दिसत आहे, ज्यामुळे पक्षाच्या कार्यक्षेत्रात नवचैतन्य संचारत आहे.