मंत्रिमंडळाच्या बैठकीत सरपंच-उपसरपंचांच्या वेतनात दुप्पट वाढ; ग्रामसेवकपदाचं नाव बदललं

मुंबई :

मुख्यमंत्री एकनाथ शिंदे यांच्या अध्यक्षतेखाली आज राज्य मंत्रिमंडळाची बैठक पार पडली. आगामी विधानसभा निवडणुकीची आचारसंहिता लागू होण्यापूर्वी झालेल्या या बैठकीकडे सर्वांचे लक्ष लागले होते. बैठकीत अनेक महत्त्वपूर्ण निर्णय घेण्यात आले आहेत, ज्यामध्ये राज्यातील सरपंच आणि उपसरपंचांच्या वेतनात दुपटीने वाढ करण्याचा मोठा निर्णय घेण्यात आला आहे.

ग्रामविकास मंत्री गिरीश महाजन यांनी या निर्णयाची माहिती देताना सांगितले की, राज्यातील सरपंच आणि उपसरपंचांच्या वेतनात मोठी वाढ करण्यात आली आहे, ज्यामुळे गावपातळीवरील विकास कामांसाठी त्यांना प्रोत्साहन मिळेल. तसेच, ग्रामसेवकपदाचे नाव बदलून आता ते “ग्रामविकास अधिकारी” असे करण्यात आले आहे.

या निर्णयांमुळे राज्यातील ग्रामपंचायतींच्या कामकाजात सुधारणा होण्याची अपेक्षा व्यक्त केली जात आहे.