भारताच्या शेजारील म्यानमारमध्ये उलथापालथ; अराकान आर्मी स्वातंत्र्याच्या उंबरठ्यावर

PEN न्यूज ऑनलाइन टीम :

म्यानमारमधील रखाइन प्रांतात युनायटेड लीग ऑफ अराकान आणि त्यांची लष्करी संघटना असलेल्या अराकान आर्मीने स्वातंत्र्यासाठी लढा देत प्रचंड प्रगती साधली आहे. म्यानमार युनियनमधील रखाइन प्रांतातील १८ पैकी १५ शहरांवर त्यांनी नियंत्रण मिळवले असून, स्वातंत्र्याच्या स्वप्नाच्या अगदी जवळ पोहोचले आहेत.

अराकान आर्मीने अलीकडेच ग्वा, अन, आणि माऊंगडॉ यासारख्या महत्त्वपूर्ण शहरांवर ताबा मिळवला आहे. या यशामुळे रखाइन प्रांतातील त्यांचा प्रभाव वाढला असून, बांगलादेश सीमेवरील नियंत्रण त्यांनी पूर्णतः मिळवले आहे. मात्र, सित्तोय, क्याउकफ्यू बंदर, आणि मुआनांग शहर अद्याप म्यानमार लष्कराच्या ताब्यात आहेत. या ठिकाणांचे रणनीतिक महत्त्व असल्याने संघर्ष अधिक तीव्र होण्याची शक्यता आहे.

जर अराकान आर्मीने रखाइन प्रांतावर पूर्ण कब्जा मिळवून स्वातंत्र्य घोषित केले, तर हा आशियातील १९७१ नंतरचा पहिला यशस्वी फुटीरतावादी लष्करी अभियान ठरेल.