भात शेती बहरली, परतीच्या पावसामुळे बळीराजा चिंताग्रस्त

Bhat Sheti

कोलाड ( श्याम लोखंडे ) :

या वर्षी समाधानकारक पावसामुळे आणि वरुणराजाची कृपादृष्टी शेतकऱ्यांवर असल्याने रोहा तालुक्यातील कोलाड, खांब, देवकान्हे परिसरातील भातशेती बहरून आली आहे. दाणेदार पिकांची कणसे डोलू लागली असून, शेतकऱ्यांचा आनंद ओसंडून वाहत आहे. मात्र, आता हे बहरलेले पीक परतीच्या पावसावर अवलंबून असल्याने बळीराजा चिंतेत सापडला आहे.
मागील दोन-तीन वर्षांपासून होत असलेल्या अनियमित पावसामुळे भात पिकाचे उत्पादन काहीसे कमी झाले होते. यावर्षी मात्र, कोलाड, खांब, देवकान्हे या भागात भातशेतीला पूरक असा पाऊस झाला आहे. त्यामुळे भात पिके जोमात आली असून शेतकरी वर्गात आनंदाचे वातावरण आहे. हिरवागार भाताचे रोप पूर्णपणे फुललेले दिसत आहे.
यावर्षी पावसाने काही ठिकाणी पूरपरिस्थिती निर्माण केली, तर आता अधूनमधून पावसाच्या सरी आणि उबदार ऊन यामुळे हवामान भात शेतीसाठी अत्यंत अनुकूल ठरत आहे. मात्र, परतीच्या पावसामुळे पिकांवर होणारा परिणाम लक्षात घेता बळीराजा काहीसा चिंतेत आहे. पीक चांगले आले असले तरी, परतीच्या पावसाच्या वेळेवर अवलंबून शेतकऱ्यांची मेहनत यशस्वी ठरणार आहे.
रोहा तालुक्यात सर्वात जास्त भात पिक पिकवले जाते तर कोलाड सुतारवाडी तसेच काही वर्कस पट्यात नाचणी,वरी, तील, हळदीचे पीक घेत अधिक जोड आणी पूरक व्यवसाय म्हणुन भेंडी,कारली,काकडी,दुधी, सिराली, पडवळ,भोपळे,मिरची, पाले भाजी म्हणुन माठ अशा भाज्यांचे पीक घेत उत्पादन घेतात.
रोहा तालुक्यातील कोलाड, खांब आणि आसपासच्या भागातील शेतकऱ्यांनी कोलम, रत्ना, जया, अवनी, वैष्णवी, कर्जत अशा विविध जातीच्या भातपिकांची लागवड केली आहे. यावर्षी समाधानकारक पावसामुळे भातशेती बहरली असून शेतकरी राजा समाधानी आहे.
——————————————-
भात पीक बहरायला लागला असून भाताची कणसे फुलली असल्याने या पुढे असाच शेतीला पूरक अशा वरुण राजा बरसावा मात्र परतीच्या पावसामुळे काहीसा बळिराजा चिंताग्रस्त होत असताना दिसत आहे. तर वरुण राजाचा परतीचा प्रवासाने देखील अशीच साद दिली तर बळीराजाच्या हातातोंडाशी आलेला पीक शेतकऱ्यांच्या हाती लागल्याने त्यांचे उत्पन्नात वाढ होऊन त्यांना अर्थिक लाभ मिळेल तसेच शेतकऱ्यांच्या धानाला अधिक हमी भाव राज्यसरकारने दिला पाहिजे अशी अपेक्षा बळीराजा करत असल्याचे शेतकरी दिनकर सानप यांनी सांगितले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading