बोट अपघात प्रकरण ! मृतांची संख्या पंधरा, सात वर्षीय जोहान चा मृतदेह तब्बल तीन दिवसांनी सापडला

अलिबाग ( अमुलकुमार जैन ) :

मुंबई येथील गेट वे ऑफ इंडिया येथून एलिफंटा घारापुरीला निघालेल्या नीलकमल या प्रवासी फेरी बोटीला नौदलाच्या स्पीड बोटीने बुधवारी (दिनांक 18डिसेंबर) रोजी दुपारी जोरदार धडक दिल्याने भीषण अपघात झाला. हा अपघात एवढा भीषण होता की त्यात प्रवासी बोट समुद्रात बुडाली आणि प्रवाशांमध्ये एकच खळबळ उडाली होती. सात वर्षीय प्रवाशी जोहान निसार अहमद याचा मृतदेह मृतदेह तब्बल तीन दिवसांनंतर सापडला असल्याने मृताची संख्या ही पंधरा इतकी झाली आहे.

नौदल स्पीड बोटीच्या इंजिनाची चाचणी करीत असताना अरबी समुद्रात उरण करंजाजवळ दुपारच्या सुमारास नौदलाच्या बोटीचे नियंत्रण सुटले आणि ती करंजा येथे नीलकमल या प्रवासी फेरी बोटीला धडकली. या दुर्घटनेत १ नौदल कर्मचारी, नौदलाचे दोन अधिकारी यांच्यासह १३ जणांचा मृत्यू झाली असल्याची घोषणा 18 डिसेंबर 2024 रोजी केली होती तर दोन जण बेपत्ता असल्याचे सांगण्यात आले होते. बेपत्ता असलेल्या दोघांपैकी हंसाराम भाटी यांचा मृतदेह हा काल सापडला होता तर सात वर्षीय जोहान अहमद याचा मृतदेह हा आज सापडला आहे. अशी माहिती माहिती प्रशासनाकडून प्राप्त झाली आहे.

जवळपास एकशे वीस च्या आसपास प्रवाशांना महेश टूर्स अँड ट्रॅव्हल्स यांच्या मालकीची असलेल्या नीलकमळ बोट ही तीन दुपारी तीनच्या सुमारास गेट वे ऑफ इंडिया येथून घारापुरी एलिफंटा येथे जाण्यासाठी निघाली होती. दुपारी 3.55 वाजता अचानक नौदलाच्या एका स्पीड बोटीने नव्या इंजिनची चाचणी घेत असताना या बोटीला उजव्या बाजूने जोरदार धडक दिली. ही धडक इतकी जोरदार होती की त्यामुळे ‘नीलकमल’ बोट कलंडली आणि बुडाली होती.

या बोट अपघात प्रकरणातील बेपत्ता असलेल्या दोघांचा शोधासाठी तटरक्षक दलाच्या बोटी व हेलिकॉप्टर याची मदत घेण्यात आली होती.