बॉयलर कोंबड्यांसह सिलेंडर व शेगड्यांची चोरी

पनवेल ( संजय कदम) : बॉयलर कोंबड्यांसह सिलेंडर व शेगड्यांची चोरी अज्ञात चोरट्याने केल्याची घटना पनवेल तालुक्यातील खैरणे गावाच्या हद्दीत घडली आहे.

खैरणे गावाच्या हद्दीत असलेल्या सरदार चिकन शॉप व राजू चिकन शॉप मधील बॉयलर कोंबड्या, सिलेंडर व शेगडी असा मिळून तीन हजार चारशे ऐशीं रुपये किंमतीचा मुद्देमाल चोरट्याने नेऊन तेथील कोंबडी ठेवण्याचे लोखंडी पिंजऱ्याचे तोडून नुकसान केल्याने याबाबतची तक्रार पनवेल तालुका पोलीस ठाण्यात करण्यात आली आहे.