बाळसई येथिल सुधाकर भोसले यांचे अल्पशा आजाराने निधन

सुकेळी ( दिनेश ठमके ) :

रोहा तालुक्यातील नागोठणे जवळच असलेल्या बाळसई येथिल सुधाकर महादेव भोसले यांचे वयाच्या ५६ व्या वर्षी गुरु.दि.३१ रोजी दुपारी २.३० वाजण्याच्या सुमारास अल्पशा आजाराने निधन झाले. कै.भोसले यांच्यावर रात्री ८.३० वा. बाळसई येथिल वैकुंठभुमीत अंत्यसंस्कार करण्यात आले. यावेळी त्यांच्या अंत्ययात्रेला मुंबई, ठाणेसह रोहा, सुधागड, माणगाव तालुक्यातील मोठ्या संख्येने मित्र परिवार जमला होता.

कै. भोसले यांचा अल्पपरिचय द्यायचा झाला तर त्यांनी बाळसई गाव कमिटीवरती विविंध पदांवरती काम करत असतांनाच अनेक ठिकाणी त्यांची ठेकेदार पद्धतीमध्ये देखिल कामे सुरू होती. त्यांचा सामाजिक तसेच राजकीय क्षेत्रामध्येही मोळाचा वाटा असायचा. त्यांनी आपल्या तीनही मुलींची लग्न लाऊन त्यांचा संसाराची घडी देखिल व्यवस्थितपणे बसवुन दिली. अशा प्रकारे सर्व काही सुरळीत सुरू असतांनाच त्यांनी दि.३१ रोजी अल्पशा आजारामुळे शेवटचा श्वास घेतला. त्यांच्या अंत्यसंस्कारावेळी बाळसई गावचे अध्यक्ष मधुकर ठमके यांनी त्यांच्या आठवणींना उजाळा देत समस्त बाळसई गावाच्या वतिने भावपूर्ण श्रद्धांजली वाहीली.

भोसले यांच्या पश्चात आई, पत्नी, तीन विवाहित मुली, जावई, नातवंडे तसेच मोठ्या संख्येने भोसले परिवार आहे. कै. भोसले यांचे दशक्रिया विधी शनि. दि.९ नोव्हें. तर बारावे सोम.दि.११ नोव्हें. रोजी बाळसई येथे होणार असल्याचे भोसले कुटुंबियांकडून सांगण्यात आले आहे.