बांगला देशातील हिंदूंच्या संरक्षणासाठी नागोठणे येथे स्वाक्षरी मोहीम

Hindu
नागोठणे ( महेंद्र माने ) :
हिंदू समाजाच्या वतीने हिंदू आणि इतर अल्पसंख्याक समुदायावर होत असलेले हल्ले त्वरित थांबावेत आणि इस्कॉनचे चिन्मय कृष्ण प्रभू यांची त्वरित मुक्तता करावी या मागण्यांसाठी नागरिकांची स्वाक्षरी मोहीम नुकतीच राबविण्यात आली असल्याचे रा स्व संघ, नागोठणे उपखंडप्रमुख पंचम कैलाससिंग परदेशी यांनी सांगितले.
अधिक माहिती देताना परदेशी यांनी सांगितले की, 5 ऑगस्ट 2024 रोजी शेख हसीना यांच्या राजीनाम्यानंतर सुरू झालेल्या दंग्यांमध्ये शेकडो हिंदू आणि इतर अल्पसंख्याकांना क्रूरपणे ठार मारण्यात आले आहे, अनेकांना धमक्या आल्यामुळे भयग्रस्ततेत जगावे लागते आहे. खुल्ना विभागात हे हल्ले विशेषतः गंभीर आहेत, संपूर्ण बांगलादेशात अशा अनेक घटनांची नोंद झाली आहे.
अल्पसंख्याक हक्कांचे रक्षण करा, दोषी लोकांविरुद्ध खटले चालवा, पीडितांना आणि त्यांच्या कुटुंबियांना झालेल्या नुकसानभरपाई द्या, सहिष्णुता वाढवा आणि स्वामी चिन्मय कृष्ण प्रभू यांची तात्काळ सुटका करा अशा मागण्यांचे निवेदन नागरिकांकडून सादर करण्यात येणार आहे.नागोठण्यातील सकल हिंदू समाजाच्या वतीनेही हे अभियान राबविण्यात येत असून नागोठणे पंचक्रोशीतील हजारो नागरिक स्वाक्षरीच्या माध्यमातून बांगलादेशातील हिंदूंप्रति आपली आत्मीयता दाखवीत आहेत.
या कामी महाविद्यालयीन तसेच शालेय विद्यार्थी या अभियानात स्वयंप्रेरणेने सहभागी होत असून या कामी मंदार परांजपे, बापू रावकर, धनराज उमाळे, ज्ञानेश्वर शिर्के, चेतन कामथे, अजित जैन,गणेश घाग, केतन नांदगावकर, ऋत्विज माने, दर्शन भोसले,  जीवन घोटगाळकर, संस्कार गोळे आणि इतर अनेक सजग नागरिकांसह महाविद्यालयीन तसेच शालेय विद्यार्थी या अभियानात स्वयंप्रेरणेने सहभागी होत आहेत असल्याचे सांगून सदरील असे जागतिक मानवी हक्क दिनाचे औचित्य साधून सदरील स्वाक्षऱ्यांसहित निवेदने 10 डिसेंबर रोजी जिल्ह्याधिकाऱ्यांना देण्यात येणार असल्याचे शेवटी पंचम परदेशी यांनी सांगितले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading