प्रशांत यादव यांनी आंगवली लाखणवाडी येथील पत्रकार संदीप गुडेकर यांच्या निवासस्थानी घेतले गणपती व गौरीचे दर्शन; ग्रामस्थांना शुभेच्छा

संगमेश्वर : 

तालुक्यातील आंगवली लाखणवाडी येथे पत्रकार संदीप गुडेकर यांच्या निवासस्थानी मंगळवारी रात्री विधानसभा इच्छुक प्रशांत यादव यांनी गणपती व गौरीचे मनोभावे दर्शन घेतले. त्यांनी सर्व ग्रामस्थ आणि चाकरमान्यांना गणपती उत्सवाच्या शुभेच्छा दिल्या.

चैतन्य युवा मंडळाचे अध्यक्ष संदीप लाखण, धोंडू लाखण, प्रकाश लाखण, संतोष गुडेकर आणि अनिल रावनग यांची उपस्थिती होती. यावेळी मंडळाच्या वतीने प्रशांत यादव यांचा शाल व श्रीफळ देऊन सत्कार करण्यात आला. यावेळी विधानसभा क्षेत्र प्रमुख दत्ताराम लिंगायत, यादव यांचे पिए रोहन सकपाळ, रमजान गोलंदाज यांचाही यावेळी सन्मान करण्यात आला.

सामाजिक कार्यकर्त्या रंजना कदम यांनी देखील संदीप गुडेकर यांच्या घरी येऊन गणपती व गौरीचे दर्शन घेतले व मंडळाला शुभेच्छा दिल्या. पत्रकार संदीप गुडेकर यांनी उपस्थित सर्वांचे आभार मानले.