प्रयागराज महाकुंभमेळ्यात भाविकांची अलोट गर्दी; वाहतूक कोंडीमुळे यात्रेकरू त्रस्त

PEN न्यूज ऑनलाइन टीम : 

प्रयागराज येथे सुरू असलेल्या महाकुंभमेळ्यात दररोज लाखो भाविक पवित्र स्नानासाठी येत आहेत. मात्र, या यात्रेत सहभागी होणाऱ्या भाविकांना मोठ्या प्रमाणात वाहतूक कोंडीला सामोरे जावे लागत आहे. बिहारमधील रोहतास जिल्ह्यातही १० किमी लांब वाहतूक कोंडी झाल्याने यात्रेकरू अडकून पडले आहेत.

दरम्यान, १२ फेब्रुवारीला माघी पौर्णिमेच्या दिवशी कोट्यवधी भाविक प्रयागराज येथे दाखल होण्याची शक्यता आहे. याआधी २९ जानेवारी रोजी मौनी अमावस्येच्या दिवशी झालेल्या चेंगराचेंगरीत ३० भाविकांचा मृत्यू झाला होता. त्यामुळे प्रशासनाने वाहतूक नियोजन अधिक कठोर केले असून, भाविकांना प्रयागराजमध्ये शटल बस किंवा ऑटोने प्रवेश करावा लागेल आणि त्यानंतर ८ ते १० किमी पायी चालावे लागेल.

भाविकांनी संभाव्य गर्दी लक्षात घेऊन योग्य ती काळजी घ्यावी आणि गरज असल्यास १२ फेब्रुवारीनंतर प्रयागराजला जाण्याचा विचार करावा, असे आवाहन प्रशासनाने केले आहे.