पोलादपूरमध्ये मानवीसाखळीने बांगलादेशात हिंदूंवर होणाऱ्या अत्याचाराविरोधात निदर्शने

पोलादपूर ( शैलेश पालकर ) :

येथील सकल हिंदू समाजाने केलेल्या आवाहनानुसार बांगलादेशात हिंदूंवर होणाऱ्या अत्याचाराविरोधात हिंदू समाजाच्या वेदना व्यक्त करण्यासाठी  पोलादपूर शहरात मानवी साखळीचे आयोजन करण्यात आले.

पोलादपूर मधील गांधी चौक बाजारपेठ मार्गे विक्रमराव मोरे सभागृह व गांधी चौक बाजारपेठ ते छत्रपती शिवाजी महाराज चौक या मार्गावर मानवी साखळी करत हिंदू धर्म रक्षणासाठी पोलादपूरवासीय एकटवले.  बांगलादेशात गेल्या काही महिन्यांपासून हिंदू धर्माच्या नागरिकांवर मंदिर प्रार्थना स्थळावर हल्ले होत असल्याचा निषेध व भारत सरकारने कठोर कारवाई करावी या मागणीसाठी मंगळवारी मूक मोर्चा काढून पोलादपूर तहसिलदार कपिल घोरपडे यांना निवेदन देण्यात आले