PEN न्यूज ऑनलाइन टीम :
महाराष्ट्र भूषण डॉ. नानासाहेब धर्माधिकारी यांच्या जयंतीनिमित्त पेण येथे स्वच्छता अभियान राबविण्यात आले. रविवारी (२ मार्च) झालेल्या या मोहिमेत पेण शहरातील २१ किलोमीटर रस्त्यांची स्वच्छता करण्यात आली. अभियानात एकूण १,०८१ श्री सदस्यांनी सहभाग घेतला आणि २१.९९ टन कचरा गोळा करण्यात आला.
या अभियानात पेण तहसील, पोलीस स्टेशन, उपजिल्हा रुग्णालय, नगरपालिका, रेल्वे स्टेशन, स्मशानभूमी, बस स्थानक, शासकीय कार्यालये आणि विविध भागांची स्वच्छता करण्यात आली. मोहिमेत १५.२७ टन सुका कचरा आणि ६.७१ टन ओला कचरा गोळा करून नगरपालिकेच्या कचरा डेपोमध्ये पाठवण्यात आला.
या स्वच्छता अभियानात पेण नगरपालिका अधिकारी -कर्मचारी तसेच उप जिल्हा रुग्णालय ,पेण दिवाणी व फौजदारी न्यायालय ,पेण पोलीस स्टेशन, पेण वनविभाग व इतर सरकारी कार्यालयातील अधिकारी व कर्मचारी सहभागी झाले होते.
