PEN न्यूज ऑनलाइन टीम :
पेण पोलीस ठाणे हद्दीतील वडगाव येथे एक धक्कादायक प्रकार घडला आहे. पाटील फार्म हाऊस, साबर सोसायटी जवळ राहणाऱ्या फिर्यादी महिलेने फेशीयलसाठी आरोपी महिलेला घरी बोलावले.
फेशीयलदरम्यान, फिर्यादी महिलेचे डोळे सुमारे दोन तास बंद असल्याचा गैरफायदा घेत आरोपीने टेबलाच्या ड्रॉवरमधील सोन्याचे दागिने चोरले.
सदर महिला आरोपीने कोणतीही पूर्वसूचना न देता, फिर्यादींच्या संमतीशिवाय, स्वतःच्या फायद्यासाठी एकूण १ लाख ३६ हजार रुपये किमतीचे सोन्याचे दागिने लंपास केले.
या घटनेबाबत गुन्हा दाखल करण्यात आला असून पुढील तपास पेण पोलिस करत आहेत.
