पेण शहरातील वाहतूक कोंडीला हातगाडीवाल्यांमुळे अधिक तीव्रता, प्रशासनाचं दुर्लक्ष

पेण शहरातील वाहतूक कोंडीला हातगाडीवाल्यांमुळे अधिक तीव्रता, प्रशासनाचे दुर्लक्ष

PEN न्यूज ऑनलाइन टीम :

पेण शहरात दिवसेंदिवस लोकसंख्या वाढत असून वाहनांची संख्या सुद्धा मोठ्या प्रमाणावर वाढत आहे. अशा परिस्थितीत अनाधिकृतपणे हातगाड्या फिरत असल्याने दररोज वाहतूक कोंडीची समस्या वाढत आहे. त्यामुळे या वाहतूक कोंडीकडे पालिका प्रशासनाचे दुर्लक्ष दिसत आहे.
शहरातील रस्त्यांची स्थिती आधीच अपुरी असून अनेक ठिकाणचे रस्ते रुंदीकरणाच्या प्रतीक्षेत आहेत. पेट्रोल पंप ते चावडी नाका, अंतोरा रोड, राजू पोटे मार्ग, महावीर मार्ग, छत्रपती शिवाजी महाराज चौक ते कुंभार आळी येथील रस्ते अद्यापही अरुंद आहेत. मुख्य पेण-खोपोली रस्त्याचे दोन्ही बाजूंचे रुंदीकरण देखील पूर्ण झालेले नाही. त्यामुळे शहरातील नागरिकांना दररोज मोठ्या प्रमाणात वाहतूक कोंडीला सामोरे जावे लागत आहे.
यातच, रस्त्यावर बेशिस्तपणे पार्किंग करणार्‍या वाहानांसह हातगाड्यांमुळे वाहतूक कोंडी अधिक गंभीर होत आहे. सकाळ आणि संध्याकाळच्या वेळी शालेय विद्यार्थी तसेच नागरिकांना या वाहतूक कोंडीतून मार्ग काढावा लागत असल्याने त्यांची गैरसोय होत आहे.
नगरपालिकेने या समस्येवर त्वरित उपाययोजना करण्याची गरज आहे. वाहन पार्किंगसाठी व्यवस्था करावी तसेच हातगाडीवाले, फेरीवाले आणि भाजीवाले यांना योग्य जागा निश्चित करून द्यावी जेणेकरून शहरातील वाहतूक कोंडी वाढणार नाही, अशी नागरिकांकडून मागणी होत आहे.
———————————————–
शहरातील वाहतूकीला अडथळा येणाऱ्या हातगाड्यांवरती अतिक्रमण विभागाकडून कारवाई सुरू आहे. मात्र रस्त्यांची कामे सुरू असल्याने थोडीफार वाहतूक कोंडी होत आहे. ती वाहतूक कोंडी कशी दूर करता येईल यावर नगरपालिकेकडून उपाय योजना करत आहोत.
…सुहास कांबळे, नगर रचनाकार अधिकारी पेण नगरपरिषद

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading