पेण विधानसभा मतदारसंघात प्रसाद दादा भोईर यांचा बोलबाला

पेण :

महाराष्ट्र विधानसभेच्या निवडणुका कोणत्याही क्षणी लागण्याची शक्यता असल्यामुळे अनेक ठिकाणच्या उमेदवारांची धावपळ सुरू झाली आहे. त्यातच पेण १९१ विधानसभा मतदारसंघात निवडणुकीच्या माध्यमातून नव्याने उतरलेले युवा नेते प्रसाद दादा भोईर यांचा पेण- पाली या संपूर्ण विधानसभा मतदारसंघात बोलबाला होत असून हजारों तरुण वर्गांनी प्रसाद दादा यांना पाठिंबा दर्शविला आहे.

एकतर मुबंई पासून हाकेच्या अंतरावर असणारा आणि गणपतीचे माहेरघर म्हणून जगात प्रसिद्ध असणाऱ्या पेण तालुक्यात आजही विकासाची बोंबाबोंब आहे. अनेक ठिकाणी रस्ते, गटार, स्वच्छता, लाईट, यासह मुख्य खारेपाटातील पिण्याचे पाणी अशा अनेक गोष्टींची कमतरता आजही मतदार संघात जाणवत असल्याने विकासापासून पेण मतदार संघ कोसो दूर राहिला आहे. त्यामुळे येणारे नवनवीन प्रकल्प या मधून येथील बेरोजगार तरुणांना रोजगार कसा मिळेल आणि येथील भौगोलिक रचना कशी बदलेल यांची पाहणी करून पेणमध्ये शाळा, मेडीकल कॉलेज दवाखाना व इतर छोटे मोठे प्रदुषण विरहीत प्रकल्प येतील याचे संपूर्ण प्लॅन (रचना) प्रसाद दादा भोईर यांने आखले असून त्याचे प्रोजेक्ट येणाऱ्या काळात उभे करणार असल्याचा दृष्टीकोन त्यांच्या मानस आहे. त्यामुळेच पेण विधानसभा मतदार संघातील लाखों नागरीक त्यांच्या संपर्कात येत असल्यानेच प्रसाद दादा भोईर यांना तरुणांचा वाढता पाठिंबा दिसून येत आहे.