पेण मतदार संघाचे भावी आमदार वैकुंठ पाटील यांची श्री क्षेत्रपाल गणेश मंडळाला सदिच्छा भेट, शिवस्मारकासाठी ५० हजारांची मदत जाहीर

कोलाड :

महाराष्ट्र राज्याचे माजी राज्यमंत्री रविशेठ पाटील यांचे सुपुत्र, रायगड जिल्हा परिषदेचे माजी विरोधी पक्षनेते व भावी आमदार वैकुंठ पाटील यांनी १६ सप्टेंबर रोजी रोहा तालुक्यातील पुई येथील श्री क्षेत्रपाल गणेश उत्सव मित्र मंडळाला सदिच्छा भेट दिली. यावेळी ग्रामस्थांनी पाटील यांचा सत्कार केला.

यावेळी भाजप रोहा तालुका युवा मोर्चा अध्यक्ष महेश ठाकूर, सोपान जांबेकर,संजय मोते, कल्पेश माने, रघुनाथ कोस्तेकर,देवजी सावंत,कोलाड लायन्स क्लबचे अध्यक्ष डॉ मंगेश सानप, डॉ सागर सानप, डॉ श्याम लोखंडे, रविंद्र लोखंडे, दिलीप मोहिते, दिनकर सानप, मंडळाचे संस्थापक अध्यक्ष अनंत सानप, अध्यक्ष विठ्ठल पवार,अजित लहाने, हरीचंद कदम, सचिन लहाने, समीर पडवळ, सचीन दिसले, विश्वास लहाने,मंगेश सानप,लक्ष्मण पवार, रीतेश शिर्के, संदिप शिर्के, संदेश मोहीते,आदी ग्रामस्थ महीला मंडळ व मंडळाचे पदाधिकारी बहुसंख्येने उपस्थित होते.

यावेळी येथील ग्रामस्थांनी वैकुंठ शेठ पाटील हेच पुढील भावी आमदार असणार अशी प्रार्थना गणरायासमोर करून त्यांचा ग्रामस्थांनी यथोचित सन्मान केला. गेली सतरा वर्षे विविध उपक्रम राबवत असलेल्या मंडळाचे युवा नेते वैकुंठ शेठ पाटील यांनी भरभरुन कौतुक करत मंडळाच्या वतीने नव्याने उभारण्यात येत असलेल्या छ.शिवाजी महाराज शिवस्मारकासाठी पन्नास हजारांची मदत जाहीर केली. 

सदरच्या कार्यक्रमाचे सूत्रसंचालन व उपस्थित मान्यवरांचे आभार ग्रामस्थ व मंडळाच्या वतीने डॉ. सागर सानप यांनी मानले.