पेण एज्युकेशन सेवक सहकारी पतसंस्थेच्या वतीने गुणवंत विद्यार्थी व शिक्षकांचा सत्कार

Dhanaji Gharat1

पेण :

पेण एज्युकेशन सोसायटी सेवक सहकारी पतसंस्थेची वार्षिक सर्वसाधारण सभा पतसंस्थेचे अध्यक्ष धनाजी घरत यांच्या अध्यक्षतेखाली संपन्न झाली यावेळी गुणवंत विद्यार्थी, शिक्षकांचा संस्थेच्या वतीने सत्कार करण्यात आला.
सुरुवातीला सभासदांच्या मृत नातेवाईकांना भावपूर्ण श्रद्धांजली वाहण्यात आली. दीप प्रज्वलन व सरस्वती पूजन मान्यवरांच्या हस्ते करण्यात आली. या कार्यक्रमासाठी पतसंस्थेचे अध्यक्ष धनाजी घरत उपाध्यक्ष गौरव च-हाटे सचिव सुनील खेडकर संचालिक अर्चना नेमाडे, सुजाता जाधव, संचालक संतोष जाधव, सतीशकुमार पवार, भास्कर देशमुख, अरुण कांबळे, शिवसजन कान्हेकर यांच्यासह पतसंस्थेचे माजी संचालक विद्यार्थी पालक मोठ्या संख्येने उपस्थित होते.
प्रास्ताविकातून अध्यक्ष धनाजी घरत यांनी संस्थेचा ३७ वर्षाचा आलेख वाचून दाखवला तसेच सभासदांच्या समस्या अडचणी सोडवण्यासाठी प्राधान्याने लक्ष देऊन पतसंस्थेचे हित जोपासण्यासाठी सर्व संचालक व सभासदांनी हातात हात घालून काम करूया आणि पतसंस्थेची प्रगती करूया असे जाहीर आवाहन केले.
यावेळी इयत्ता पाचवी, आठवी, शिष्यवृत्ती, दहावी बारावी पदवी पदवीत्तर परीक्षा त्याचबरोबर विविध क्षेत्रात ज्यांनी ज्यांनी यश मिळवले अशा सर्व गुणवंत विद्यार्थ्यांचा प्रमाणपत्र गुलाब पुष्प व रोख रक्कम देऊन सत्कार तसेच शिक्षक डॉ. देविदास बामणे व योगेश शिसव विशेष प्राविण्य मिळवल्या बद्दल.
पतसंस्थेच्या वतीने शाल श्रीफळ व पुष्पगुच्छ देऊन सत्कार करण्यात आला. पतसंस्थेच्या ३१ मार्च २०२४ अखेर संस्थेत १९ लाख १५ हजार रुपये नफा झाल्याने यावर्षी सभासदांना साडेआठ टक्के लाभांश देण्यात आला या सर्वसाधारण सभेमध्ये मागील सभेचे इतिवृत्त ,आर्थिक हिशोब पत्रक, लेखा परीक्षण अहवाल, दोष दुरूस्ती अहवाल, नफा विभागणीस मंजुरी, वैधानिक लेखापरीक्षकाची नियुक्ती, अंतर्गत हिशोब तपासणीची नियुक्ती, वार्षिक अंदाजपत्रक आदी विषयावर सविस्तर चर्चा करण्यात आली यावेळी तज्ञ संचालक म्हणून राजेंद्र जाधव व बाळासाहेब बेंद्रे यांची सर्वानुमते नियुक्ती करण्यात आली.
आयत्या वेळच्या विषयांमध्ये आलेल्या विविध विषयावर सविस्तर चर्चा करून यावर योग्य तो मार्ग काढला जाईल व पतसंस्थेच्या चांगल्या कार्यासाठी प्रत्येक सभासदांनी पुढे येऊन काम करावे असे आवाहन सचिव सुनील खेडकर यांनी केले सूत्रसंचालन सुजाता जाधव तर आभार संतोष जाधव यांनी केले.सभा यशस्वी करण्यासाठी सर्व संचालक व कार्यालयीन कर्मचारी वैष्णवी पाटील अंकीता पाटील भारती आवळे यांनी मेहनत घेतली.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading