रायगड जिल्ह्यातील रेल्वे समस्यांवर चर्चा करण्यासाठी महाराष्ट्र प्रदेश राष्ट्रवादी काँग्रेस पक्षाचे अध्यक्ष खासदार सुनील तटकरे यांच्या अध्यक्षतेखाली मुंबईतील छत्रपति शिवाजी महाराज टर्मिनस येथे एक उच्चस्तरीय बैठक झाली. या बैठकीमध्ये खारपाड़ा, गडब, आणि आमटेम येथे नवीन रेल्वे स्टेशन मंजूर करण्यासाठी तातडीने प्रस्ताव दिल्लीला पाठविण्याचे आदेश देण्यात आले.
खासदार तटकरे यांनी रेल्वेमंत्र्यांना भेटून प्रस्ताव मार्गी लावण्याचे आश्वासन दिले. तसेच, खारपाड़ा रेल्वे स्टेशन दुष्मी हद्दीत असावे अशी सूचना दिली. या ठिकाणांच्या पुनरावलोकनासाठी रेल्वे प्रशासनाचे अधिकारी पुन्हा एकदा पाहणी करणार आहेत.
पेणकरांच्या रेल्वे प्रवासातील समस्यांवर चर्चा झाली. ‘पनवेल-वसई-पनवेल’ व ‘पनवेल-डहाणू-पनवेल’ मेमू ट्रेन पेण पर्यंत वाढवणे, तसेच विविध एक्सप्रेस गाड्यांना पेण स्थानकात थांबा देणे यावर चर्चा झाली. प्लॅटफॉर्म वरील फूट ओव्हर ब्रिज मध्यावर बांधण्याची मागणी केली गेली.
सर्व समस्यांचे निराकरण करण्यासाठी तातडीने प्रस्ताव तयार करण्याचे निर्देश खा. तटकरे यांनी दिले आणि रेल्वेमंत्र्यांना भेटून चर्चा करण्याचे आश्वासन दिले. बैठकिला ‘माझ पेण’ संघटनेचे पदाधिकारी, पेण विधानसभा मतदारसंघाचे अध्यक्ष नरेंद्र ठाकूर, इतर स्थानिक नेते आणि सदस्य उपस्थित होते.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.