पेणमध्ये सोनसाखळी चोरीचा भांडाफोड, दोन आरोपी अटकेत

पेणमध्ये सोनसाखळी चोरीचा भांडाफोड, दोन आरोपी अटकेत

PEN न्यूज ऑनलाइन टीम :
सद्या चोरीच्या घटनेमध्ये वाढ होत असल्याचे निदर्शनात येते. परंतु या चोरीचा छडा लावण्यात पेण पोलिस अॅक्शन मोडवर आहेत. एका महिलेच्या गळ्यातील मंगळसूत्र चोरून पसार झालेल्या दोन चोरांच्या मुसक्या आवळण्यात पोलिसांना यश आलं आहे.    
 मिळालेल्या महितीनुसार, पेण येथील चिंचपाडा परिसरात मॉर्निंग वॉक करत असलेल्या रूपाली विरकुड यांच्या गळ्यातील मंगळसूत्र दोन अनोळखी व्यक्तींनी मोटारसायकलवरून येऊन हिसकावून चोरले. या घटनेची फिर्याद पेण पोलिस ठाण्यात नोंदवल्यानंतर तपासाला सुरुवात झाली. गुन्हे प्रकटीकरण शाखेच्या अधिकाऱ्यांनी तांत्रिक विश्लेषण व गोपनीय माहितीच्या आधारे गुन्ह्याचा छडा लावला.
तपासादरम्यान आरोपी अजय चव्हाण (वय २२, रा. गहुजें, पुणे) व आकाश चव्हाण (रा. होराळे, खालापुर) यांना अटक करण्यात आली. त्यांच्याकडून चोरी गेलेले मंगळसूत्र व मोटारसायकल असा ९५,००० रुपयांचा मुद्देमाल हस्तगत करण्यात आला. आरोपी अजय चव्हाण हा सराईत गुन्हेगार असून त्याच्यावर पुणे व सातारा जिल्ह्यातील विविध पोलीस ठाण्यात गुन्हे दाखल आहेत.
सदर ही कारवाई पेण पोलिस निरीक्षक संदीप बागूल यांच्या मार्गदर्शनाखाली पोसई समद बेग, पोसई प्रतिक पोकळे, सहा. फौजदार राजेश पाटील व अन्य गुन्हे प्रकटीकरण कक्षाच्या टीमने केली असून अधिक तपास सुरू आहे.  

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading