पेण :
तिथीप्रमाणे साजरा करण्यात येणारा शिवजयंती महोत्सव आज पेण तालुक्यात मोठ्या उत्साहात साजरा करण्यात आला.
शिवसेना उध्दव ठाकरे गटाच्या मावळ्यांनी आज सकाळपासूनच छत्रपती शिवाजी महाराज चौकात जयंतीची जय्यत तयारी केली होती. छत्रपती शिवाजी महाराज यांचे पूजन केल्यानंतर आज सायंकाळी शिवसेना उध्दव ठाकरे गटाच्या माध्यमातून भव्यदिव्य मिरवणूक काढण्यात आली होती.
या मिरवणुकीत ढोल ताशा पथक आणि फटाक्यांच्या आतिषबाजीने संपूर्ण पेण शहर निनादुन गेले होते. तर अनेकांनी छत्रपती शिवाजी महाराज, माँ जिजाऊ, विविध प्रकारचे मावळे अशी ऐतिहासिक वेशभूषा परिधान करून पेण शहराचे रस्ते भगवेमय केले होते.
या मिरवणुकीत घोडे नाचवून छत्रपती शिवाजी महाराजांच्या जयघोषाच्या घोषणा देण्यात आल्या.
यावेळी पेण,कर्जत,पनवेल विधानसभा प्रमुख प्रमुख प्रसाद भोईर, रायगड सहसमन्वयक समीर म्हात्रे, शहर प्रमुख सुहास पाटील, दिपश्री पोटफोडे, मेघना चव्हाण, वैशाली समेळ, रविंद्र पाटील, तुकाराम म्हात्रे, कांतिलाल म्हात्रे आदी शिवसैनिक आणि महिला वर्ग मोठ्या प्रमाणात उपस्थित होते.
