पेणमध्ये अवैध गुटखा विक्रेत्यावर छापा; ६० हजारांच्या मुद्देमालासह रामवाडीचा पठ्ठ्या जेरबंद

PEN न्यूज ऑनलाइन टीम :

एका घरात अवैधरीत्या गुटखा व सुगंधित तंबाखूची विक्री सुरू असल्याची माहिती मिळताच पेण पोलिसांनी छापा टाकून वेक्रेत्यास जेरबंद करत साठ हजाराचा मुद्देमाल हस्तगत केला आहे.  

प्राप्त महितीनुसार गुन्हे प्रकटीकरण शाखेतील अधिकारी गस्त घालत असताना, पोहवा प्रकाश कोकरे यांना गोपनीय माहिती मिळाली की, दिपक राजभर (रा. आर. पी. नगर, रामवाडी, ता. पेण) हा आपल्या घरात अवैधरीत्या गुटखा व सुगंधित तंबाखूची विक्री करत आहे. वरिष्ठांची परवानगी घेऊन गुन्हे प्रकटीकरण शाखेच्या अधिकाऱ्यांनी घटनास्थळी छापा टाकला. छाप्यात दिपक राजभर याला गुटखा विक्री करताना रंगेहात पकडण्यात आले. त्याच्याकडे विचारपूस केल्यावर त्याने आपले पूर्ण नाव दिपक रामआधार राजभर असल्याचे सांगितले.

दोन पंचांच्या उपस्थितीत घरझडती घेण्यात आली असता, महाराष्ट्र शासनाने मानवी शरीरास अपायकारक म्हणून प्रतिबंधीत केलेला पान मसाला, गुटखा व सुगंधित तंबाखू असा एकूण ६० हजार ४०१ रुपयांचा मुद्देमाल जप्त करण्यात आला. या कारवाईनंतर पोहवा प्रकाश कोकरे यांनी पेण पोलिस ठाणे गु.र.जि.नं. २७६ / २०२४ भा.न्या. सं. २०२३ चे कलम १२३, २७४, २७५ सह अन्न सुरक्षा मानके अधिनियम २००६ चे कलम २६ (२) (४), ३० (२) (अ) अन्वये गुन्हा नोंदवण्यात आला आहे.

सदर कारवाई पोलिस निरीक्षक संदिप बागुल यांच्या सूचनेनुसार सहा. फौजदार राजेश पाटील, संतोष जाधव, राजेंद्र भोनकर, प्रकाश कोकरे, अजिंक्य म्हात्रे, सचिन व्हस्कोटी, अमोल म्हात्रे, गोविंद तलवारे, स्वाती पालवे, स्वरा पाटील यांनी केली. या गुन्ह्याचा तपास पोसई प्रतिक पोकळे करीत आहेत.