पाण्याच्या टँकरला अपघात; चालकाचा जागीच मृत्यू , एक जखमी

अलिबाग ( अमुलकुमार जैन ) :

अलिबाग तालुक्यातील सातीर्जे येथे पाण्याचा टँकरचा अपघात झाला असून अपघातात मंगेश करळकर याचा मृत्यू झाला तर एक जखमी झाल्याने त्याला अलिबाग येथील खासगी रुग्णालयात दाखल करण्यात आले आहे.

याबाबत सविस्तर माहिती अशी की, अलिबाग तालुक्यातील मंगेश करळकर हा त्याच्या ताब्यातील पाण्याचा टँकर चोंढी येथून भरून घेवुन सातीर्जे या बाजूने जात असताना सातीर्जे गावात असणाऱ्या अरूंद पुलावरून जात असताना सायंकाळी साडे सातच्या सुमारास अंदाज न आल्याने पाण्याने भरलेला टँकर हा पुलाखाली जावून अपघात झाला आहे.

या अपघातात टँकर चालक मंगेश करळकर याला गंभीर दुखापत झाल्याने त्याचा जागीच मृत्यू झाला आहे. तर मदतनीस याला किरकोळ दुखापत झाल्याने त्याला अलिबाग येथील खासगी रुग्णालयात दाखल करण्यात आले आहे.