पनवेल पोलिसांची मतदान जनजागृती

पनवेल ( संजय कदम ) :

आगामी विधानसभा निवडणुकीच्या अनुषंगाने पनवेल तालुका पोलीस ठाण्याच्या मार्फत एरिया डॉमिनेशन आणि रुट मार्च पनवेल तालुक्यात काढण्यात आला. यावेळी मतदानासाठी जनजागृती करण्यात आली.

पनवेल तालुका पोलीस ठाण्याचे वपोनि अनिल पाटील यांच्या मार्गदर्शनाखाली पो.नि.जगदीश शेलकर यांच्यासह सीआयएसएफचे अधिकारी व कर्मचारी, जवान, आदींच्या पथकाने पनवेल तालुका पोलीस ठाण्याच्या हद्दीतील महत्वाची मतदान केंद्रे, संवेदनशील परिसर, संमिश्र वस्ती तसेच निवडणुकीच्या अनुषंगाने महत्वाची ठिकाणी येथे पायी भेटी देवून तेथील परिसराची व परिस्थितीची माहिती घेण्यात आली.

त्याचप्रमाणे मतदान करण्यासाठी जनजागृती करण्यात आली. त्यामध्ये प्रामुख्याने केळवणे, साई व कासारभाट येथे विशेष अभियान राबवून मतदान करण्यासाठी जनजागृती करण्यात आली.