पद्मश्री उदय देशपांडे यांच्या उपस्थितीत विजयभूमी विद्यापीठात सहावा पदवी प्रदान सोहळा आणि संस्थापक दिन उत्साहात साजरा

कर्जत (गणेश पवार) : 

रायगड जिल्ह्यातील कर्जतमध्ये आंतरराष्ट्रीय दर्जाचे शिक्षण देणाऱ्या विजयभूमी विद्यापीठामध्ये यंदा सहावा पदवी प्रदान सोहळा आणि संस्थापक दिन समारंभ राष्ट्रीय मल्लखांब फेडरेशनचे अध्यक्ष पद्मश्री उदय देशपांडे यांच्या प्रमुख उपस्थितीत मोठ्या उत्साहात पार पडला. त्याप्रसंगी विजयभूमी विद्यापीठात बॅचलर ऑफ म्युझिक आणि बॅचलर ऑफ डिझाइनच्या १६ विद्यार्थ्यांचा पदवी प्रदान सोहळा आणि संस्थापक दिन समारंभ मोठ्या उत्साहात संपन्न झाला.

मंगळवार दिनांक ११ मार्च रोजी कर्जत जामरुंग येथील विजयभूमी विद्यापीठात विद्यार्थ्यांचा सहावा पदवी प्रदान सोहळा पार पडला. त्याप्रसंगी बॅचलर ऑफ परफॉर्मिंग आणि फाईन आर्टस् म्युझिकचे १३ विद्यार्थी आणि बॅचलर ऑफ डिझाईनचे ३ अशा एकूण १६ विद्यार्थ्यांना मान्यवरांच्या उपस्थितीत पदवी प्रदान करण्यात देण्यात आली. 

आतापर्यंत या विद्यापिठातून १३१ विद्यार्थी उत्तीर्ण झाले आहेत. विशेष म्हणजे या कार्यक्रमासाठी राष्ट्रीय मल्लखांब फेडेरेशनचे अध्यक्ष पद्मश्री उदय विश्वनाथ देशपांडे हे प्रमुख पाहुणे म्हणून लाभले. याप्रसंगी विजयभूमी विद्यापीठाचे अध्यक्ष संजय पडोडे, नियामक मंडळाच्या सदस्या कल्पना पडोडे, विद्यापीठाचे कुलगुरू डॉ. रविकेश श्रीवास्तव आणि विद्यापीठातील सर्व डीन उपस्थित होते.

हा कार्यक्रम यशस्वी होण्यासाठी रजिस्ट्रार नितीन श्रीवास्तव, कंट्रोलर ऑफ एक्झाम अतुल झोपे, सहाय्यक प्रबंधक सुरेशराव नायकवडे, ॲडमिन हेड राजू पुजारी, मॅनेजर स्टुडंट्स अफेअर भुषण पिंपरकर यांसह विजयभूमी विद्यापिठातील स्टाफमधील सर्व पदाधिकारी व कर्मचारी आदिंनी विशेष परिश्रम घेतले.