नेरळ वाणिज्य संकूल व विश्रामगृह इमारत पूर्ण; मात्र तयार गाळ्यांपासून लाभार्थी टपरी धारक वंचित

कर्जत (गणेश पवार) :

नेरळ वाणिज्य संकूल व विश्रामगृहच्या इमारतीचे बांधकाम पूर्ण झाले असुन, नेरळ शिवाजी महाराज चौक ते नेरळ रेल्वेस्थानकाकडे जाणाऱ्या मार्गावरील फुटपाथवरील आलेल्या पूर्वी असलेल्या व सदर रस्त्याचे काँक्रिटीकरणाचे झालेल्या कामा वेळी तोडण्यात आलेल्या टपऱ्या व त्या अनुशंगाने लाभार्थी असलेले टपरी धारक हे सदर नेरळ वाणीज्य संकूल व विश्रामगृहच्या इमारतीमधील गाळ्या पासून प्रशासनाच्या दुर्लक्षीतपणामुळे वंचित आहेत. तर सदर नेरळ वाणीज्य संकूल व विश्रामगृहच्या इमारतीमधील गाळे रायगड जिल्हा परिषदे मार्फत वाटप होणार का? की मुर्हत काढण्यात व्यस्त आहे का? असा प्रश्न मात्र लाभार्थी टपरी धारकांकडून उपस्थित केला जात आहे.

२७ डिसेंबर २०१६ रोजी दिवंगत सरपंच, सदस्य व ग्रामसेवक यांनी टपरी धारकांना तुम्ही हटवण्यासाठी सहकार्य करा एक वर्षात व्यापारी संकूल बांधून त्या ठिकाणी होणारे ग़ाळे हे टपरी धारकांना अधिकृत देण्याचे आश्वासन दिले होते. ९ जून २०१६ रोजी रायगड जिल्हा परीषदेचे माजी अध्यक्ष सुरेश टोकरे यांनी नेरळ मधील मंजूर नऊ विकास कामांचे शुभारंभ केले होते. त्या पैकी एक व्यापारी संकूल चे काम हे टपरी धारकांसाठी होते. सदर नेरळ वाणीज्य संकूल व विश्रामगृहच्या इमारतीचे बांधकाम हे सन. २०२२ मध्ये पूर्ण झाले आहे.

या पूर्ण झालेल्या इमारतीच्या कामाचे लोकार्पण सोहळा देखील राष्ट्रवादी काँग्रेस पक्षाचे प्रदेश अध्यक्ष तथा रायगडचे खासदार सुनील तटकरे यांच्या हस्ते करण्यात आले. तर आज मितीला लोकार्पण सोहळा झालेल्या इमारतीमधील असलेल्या गाळ्यांचे वाटप हे लाभार्थी टपरी धारकांना झाले नसल्याने, व २७ डिसेंबर २०१६ रोजी दिवंगत सरपंच, सदस्य व ग्रामसेवक यांनी टपरी धारकांना तुम्ही हटवण्यासाठी सहकार्य करा एक वर्षात व्यापारी संकूल बांधून त्या ठिकाणी होणारे ग़ाळे हे टपरी धारकांना अधिकृत देण्याचे आश्वासन मात्र हवेत विरले असल्याचे लाभार्थी टपरी धारकांकडून बोलले जात आहे.

सदर नेरळ वाणिज्य संकूल व विश्रामगृहच्या इमारतीच्या कामासाठी नेरळ विकास संकूल प्राधिकरणा अंतर्गत ३.५० कोटी रुपये खर्च करण्यात आला असुन, या इमारतीमध्ये एकूण १०४ छोटे मोठे आशा गाळ्यांचा तसेच विश्रामगृह व खाली प्रशस्त वाहान पार्कींगचा समावेश करण्यात आला आहे. परंतू ३.५० कोटीचा शासकीय निधी खर्च करून, बांधण्यात आलेली नेरळ वाणिज्य संकूल व विश्रामगृह इमारत ही सन. २०२२ मध्ये पूर्ण होऊन देखील रायगडचे खासदार सुनील तटकरे यांचे हस्ते लोकार्पण सोहळा होऊन सुद्धा सन. २०२५ उजाडला तरी सदर नेरळ वाणीज्य संकूल व विश्रामगृह इमारत ही धुळ खात पडलेल्या अवस्थेत असल्याने, व लाभार्थी टपरी धारकयांच्यावर रायगड जिल्हा परिषद प्रशासनाचे बकाल कारभारामुळे सदर इमारतीमधील तयार गाळ्यांपासुन वचिंत राहण्याची वेळ आली असल्यामुळे सदर इमारती मधील तयार गाळे हे रायगड जिल्हा परिषदे मार्फत वाटप होणार का? की जिल्हा प्रशासन मुर्हत काढण्यात व्यस्त आहे का? असा प्रश्न मात्र लाभार्थी टपरी धारकांकडून उपस्थित केला जात आहे.

———————————————————

सन.२०१६मध्ये टपरी तोडल्यानंतर माझं काम व कुटूंबाच उदरनिर्वाह ज्या टपरी वरती होते. ते सगळं काम बंद झाले आहे. सदर करीत असलेल्या व्यावसाया पासून आम्हा लाभार्थी टपरी धारकांना सदर इमारतीमधील तयार झालेल्या गाळयांपासुन प्रशासनाकडू जाणीव पूर्वक वचिंत ठेवण्याचे काम सुरू आहे का? असा प्रश्न उपस्थित होत आहे. तर माझ्या सह इतर लाभार्थी टपरी धारक हे बेकार झाले आहेत. त्यामुळे ज्याला व्यापार करण्याची माहिती असते. तो कुठेही काम धंदा करू शकत नाही. आमचे वय उलटून गेल्यामुळे आम्हाला कुठे नोकरी मिळाली नाही. तोडण्यात आलेल्या आम्हा काही लाभार्थी टपरी धारकांना भाडयांने गाळे घेऊन व्यावसाय करण्याची तर काही टपरी धारक हे त्याच ठिकाणी फुथपाथ वरती धंदा लावून आपल्या कटूंबाचा उदरनिर्वाह करीत आहेत. तर काही टपरीधारकांवर उपासमारीची वेळ आली असल्याने आत्महत्या करण्याची वेळ येऊन ठेपली आहे. व्यापारी संकुल हा गेले कित्येक वर्ष देतो देतो असे सगळ्यांनी आश्वासन देऊन सुद्धा त्यांनी आज मितीला काहीच केले नाही. तसेच ३.५० कोटी खर्च करून तयार झालेले व्यापारी संकुल हे आज मितिला धुळखात पडले असल्यामुळे, प्रशासनाला आमच्या लाभार्थी टपरी धारकांच्या प्रश्न मार्गी लावण्यास काही एक पडले नसल्याची शोकांतिका मांडण्याची वेळ आली आहे.

…पंढरी हजारे, नेरळ गावचे ग्रामस्थ तथा लाभार्थी टपरी धारक

———————————————————

गाळे वाटपाचा प्रस्ताव हा जिल्हा परिषदेकडे आमच्या विभागाकडून पाठविण्यात आला आहे. सदर गाळे वाटपाचा प्रस्ताव हा जिल्हा परिषदेच्या वरिष्ठ अधिकारी वर्गाकडे मंजूरीसाठी प्रलंबित आहे.

…सतीश जगताप, इंजिनीयर, नेरळ विकास प्राधिकरण विभाग,