नेरळ ग्रामपंचायतमध्ये प्रशासकीय अधिकारी म्हणून “सुजित धनगर” यांची नियुक्ती

Neral Grampanchayat Administrative Officer Joine

कर्जत ( गणेश पवार ) :

नेरळ ग्रामपंचायतीचे सरपंच उषा पारधी यांच्या मनमानी कारभाराला कंटाळून आपण राजीनामा देत असल्याचे १५ सदस्यांनी पत्रकार परिषदेत जाहीर केले होते. तर १५ सदस्यांनी सरपंच यांच्या कडे दिल्या नंतर,देण्यात आलेल्या राजीनाम्यामुळे नेरळ ग्रामपंचायत ही चर्चेचा विषय बनला असताना, विभागीय आयुक्त. कोंकण विभाग यांच्या न्यायालयाकडून नेरळ ग्रामपंचाय विसर्जित करण्यात आल्याचा आदेश पारित झाला.  नेरळ ग्रामपंचाय विसर्जित करण्यात आल्याचे महाराष्ट्र शासन राजपत्र हे गटविकास अधिकारी पंचायत समिती कर्जत व नेरळ ग्रामपंचायतीचे ग्रामपंचायत अधिकारी यांचे कडे देण्यात आल्यानंत गटविकास अधिकारी यांच्या स्तरावरून नेरळ ग्रामपंचायतीवर प्रशासकीय अधिकारी म्हणून सुजित धनगर यांची नियुक्ती करण्यात आली आहे. त्यानुसार सुजित धनगर हे प्रशासकीय अधिकारी पदाचा कार्यभार हाती घेतला आहे. यावेळी ग्रामपंचायत अधिकारी अरूण कार्ले यांनी सुजित धनगर यांचे शॉल व पुष्पगुच्छ देऊन स्वॉगत केले आहे.
नेरळ ग्रामपंचायतीचे सरपंच उषा पारधी यांच्या मनमानी कारभाराला कंटाळून आम्ही १५ सदस्य राजीनामा देत असल्याचे पत्रकार परिषदेत जाहीर केल्या प्रमाणे १५ सदस्य यांनी सरपंच उषाताई पारधी दि. १८ जुलै २०२४ रोजी देण्यात आलेले राजीनामे व त्या राजीनाम्यानुसार नेरळ ग्रामपंचायतीच्या दि. २९ जुलै २०२४ रोजी पार पडलेल्या विशेष मासिक सभेतील विषय क्र. १, ठराव क्र. १ ते १५ नुसार सत्यता पडताळत राजीनामे मंजूर करण्यात आले होते. 
नेरळ ग्रामपंचायत विसर्जित प्रकरण हे विभागीय आयुक्त. कोंकण विभाग यांच्या न्यायालयात सुरु असल्याने, व दि. ०८ ऑक्टोबर २०२४ रोजी विभागीय आयुक्त. कोंकण विभाग यांच्या न्यायालयाने महाराष्ट्र ग्रामपंचायत अधिनियम १९५९ चे कलम १४५ (१- अ ) नुसार नेरळ ग्रामपंचायत विसर्जित केल्याचा आदेश पारित करण्यात आला आहे. त्यानुसार दि.०९ ऑक्टोबर २०२४ रोजी महाराष्ट्र शासन राजपत्र हे गटविकास अधिकारी पंचायत समिती कर्जत व नेरळ ग्रामपंचायतीचे ग्रामपंचायत अधिकारी यांचे कडे देण्यात आल्यानंत गटविकास अधिकारी यांच्या स्तरावरून नेरळ ग्रामपंचायतीवर प्रशासकीय अधिकारी म्हणून सुजित धनगर यांची नियुक्ती करण्यात आली आहे. तर सुजित धनगर यांनी नेरळ ग्रामपंचायतीचा प्रशासकीय अधिकारी म्हणून पदाचा कार्यभार हाती घेतला आहे. यावेळी ग्रामपंचायत अधिकारी अरूण कार्ले यांनी सुजित धनगर यांचे शॉल व पुष्पगुच्छ देऊन स्वागत केले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading