नितीन सावंत तुम्ही लागा कामाला : शिवसेना पक्षप्रमुखांचा आदेश

कर्जत ( गणेश पवार ) : 

आगामी कर्जत खालापूर विधानसभा निवडणूक 2024 करीता शिवसेना उद्धव बाळासाहेब ठाकरे पक्षाची आढावा बैठक आज मुंबई मातोश्री येथे शिवसेना पक्षप्रमुख उद्धवजी ठाकरे साहेब यांनी घेतली होती. यावेळी कर्जत खालापूर विधानसभा मतदार संघाकरीता महाविकास आघाडीचे अधिकृत उमेदवार म्हणून नितीन सावंत यांच्या नावावर शिक्कामोर्तब शिवसेना पक्षप्रमुख उद्धव ठाकरे यांनी केले असल्याने तसे आदेश नितीन सावंत यांना उद्धव ठाकरे यांनी दिले आहेत.

तर शिवसेना पक्षप्रमुख उध्दव ठाकरे यांच्या आदेशाने कर्जत खालापूर मधील निष्ठावंत शिवसैनिकांमध्ये उत्साह संचारला आहे. यावेळी जिल्हाप्रमुख मा.आमदार मनोहर भोईर, उपजिल्हाप्रमुख नितीन सावंत, तालुकाप्रमुख उत्तम कोळंबे, खालापूर तालुकाप्रमुख एकनाथ पिंगळे, कर्जत विधानसभा अधिकारी अ‍ॅड.संपत हडप, खोपोली शहरप्रमुख संतोष देशमुख, कर्जत शहरप्रमुख निलेश घरत, माथेरान शहरप्रमुख कुलदीप जाधव, माथेरान माजी संपर्कप्रमुख, माजी नगरसेवक प्रसाद सावंत, युवासेना तालुका चिटणीस कल्पेश खडे, युवासेना उपतालुका अधिकारी पंकज म्हसे, किशोर दळवी, युवासेना उमरोली विभाग अधिकारी संदेश हजारे आदीसह प्रमुख पदाधिकारी उपस्थित होते.

कर्जत खालापूर विधानसभा मतदारसंघात ठाकरे गट शिवसेना महाविकास आघाडीचा उमेदवारी बाबत अनेक तर्कवितर्क वर्तवले जात असताना या चर्चेला आज पूर्णविराम मिळाला असून आज शिवसेना पक्षप्रमुख उद्धव ठाकरे यांनी कर्जत खालापूर विधानसभा निवडणुकीबाबत आढावा बैठक घेतली असता या बैठकीच्या माध्यमातून उत्तर रायगडचे उपजिल्हाप्रमुख नितीन सावंत यांना कामाला लागा असे आदेश पक्षप्रमुख उद्धव ठाकरे यांनी दिले आहे.

तर पितृपक्षानंतर शिवसेना पक्षप्रमुख उद्धव साहेब ठाकरे नितीन सावंत यांच्या नावाची अधिकृत घोषणा करणार आहेत.