नागोठण्यात उद्या अनंत गीतेंची तोफ धडाडणार..! 

नागोठणे ( महेंद्र माने ) : रायगड लोकसभा मतदार संघाचे इंडिया आघाडी उमेदवार माजी केंद्रीय मंत्री अनंत गीते यांची नागोठणे येथे गुरुवार 04 एप्रिल रोजी प्रचार सभा आयोजित केली असल्याची माहिती शिवसेना सहसंपर्क प्रमुख (शिवसेना, उद्धव बाळासाहेब ठाकरे) तथा इंडिया आघाडी नेते किशोरभाई जैन यांनी दिली.

नागोठणे येथील गांधी चौकात सायंकाळी 05.00 वा. होणार्‍या सदरील सभेस रायगड लोकसभा मतदार संघाचे उमेदवार तथा शिवसेना नेते अनंत गीते (उद्धव बाळासाहेब ठाकरे), राष्ट्रवादीचे महाराष्ट्र प्रदेश उपाध्यक्ष (शरद पवार गट)अनिल तटकरे, महाराष्ट्र प्रदेश काँग्रेसच्या सरचिटणीस नंदाताई म्हात्रे ,शेकाप नेते सुरेश खैरे यांच्यासह इंडिया आघाडीचे प्रमुख नेते,पदाधिकारी व कार्यकर्ते मोठ्या संख्येने उपस्थित राहणार असून नागोठणे विभागातील सर्व इंडिया आघाडीच्या कार्यकर्ते व नागरिकांनी सभेस वेळेवर उपस्थित राहण्याचे आवाहन किशोरभाई जैन व इंडिया आघाडीच्या प्रमुख पदाधिकारी यांनी केले आहे. सदरील सभा यशस्वी होण्यासाठी इंडिया आघाडीचे पदाधिकारी व कार्यकर्ते अपार मेहनत घेत आहेत.