नागोठणे शहरात पोलिस दलाचा रूट मार्च !

Nagothane Police
नागोठणे ( महेंद्र माने ) :
पोलिस ठाण्याचे सहा. पोलिस निरीक्षक हरेश कोळसेकर यांच्या नेतृत्वाखाली नागोठणे शहरात सोमवार 08 एप्रिल रोजी आगामी लोकसभा निवडणुका, गुढीपाडवा, रमजान ईद, पालखी सोहळा, उरूस तसेच आगामी काळात येत असलेले उत्सव, यात्रा व विविध सण या काळात शहर व परिसरात कुठलाही अनुचित घटना घडू नये तसेच शांतता,  सुव्यवस्था कायम राहावी या उद्देशाने पोलिस दलाचा रूट मार्च तसेच दंगा काबू योजनेची रंगीत तालिम आयोजित करण्यात आला होती.
जिल्हा पोलीस अधीक्षक सोमनाथ घार्गे यांच्या सुचनेनुसार व पोलीस उपअधीक्षक शैलेश काळे यांच्या मार्गदर्शनाखाली घेण्यात आलेला सदरील रूट मार्च हा नागोठणे पोलिस ठाण्यातून छत्रपती शिवाजी महाराज चौक, कोळीवाडा, मोहल्ला, केएमजी विभाग, प्रभू आळी, गांधी चौक, खुमाचा नाका, छत्रपती शिवाजी महाराज बाजार पेठ मार्गे एस.टी.स्थानकात दंगा काबू योजनेची रंगीत तालिम घेण्यात आली.
यामध्ये सहा. पोलिस निरीक्षक हरेश कोळसेकर यांच्या नेतृत्वाखाली पी.एस.आय. संजय चव्हाण,पी.एस.आय. प्रमोद हंबीर,पी.एस.आय. वसंत जिवडे यांच्यासह नागोठणे, पाली व रोहा पोलिस ठाण्याचे प्रत्येकी 23 कर्मचारी तसेच आर.सी.पी. माणगाव येथील 31 कर्मचारी सहभागी झाले होते.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading