नागोठणे पोलीस ठाणे अंतर्गत रूट मार्च व फ्लॅग मार्चचे आयोजन

Nagothane Police
नागोठणे ( महेंद्र माने) :
पोलिस ठाण्याचे सहा. पोलिस निरीक्षक सचिन कुलकर्णी तसेच रोहा उपविभागीय पोलीस अधिकारी रविंद्र दौंडकर यांच्या नेतृत्वाखाली गुरुवार 23 जानेवारी रोजी सकाळी 10:30 ते 12:30 वाजण्याच्या दरम्यान शहरात कायदा व सुव्यवस्था राखणे व नागरिकांमध्ये सुरक्षिततेची भावना निर्माण करणे या उद्देशाने नागोठणे शहरात रूट मार्च व फ्लॅग मार्च आयोजित करण्यात आले.
नागोठणे पोलीस ठाणे अंतर्गत घेण्यात आलेल्या या फ्लॅग मार्चचा मुख्य उद्देश कायदा व सुव्यवस्था राखणे व नागरिकांमध्ये सुरक्षिततेची भावना निर्माण करणे तसेच कायदा व सुव्यवस्था कायम ठेवणे आणि नागरिकांना पोलीस प्रशासन व द्रुत कार्य बल तत्परतेचा संदेश देणे हा होता. सदरील उपक्रमामुळे नागरिकांमध्ये सुरक्षिततेची भावना निर्माण होऊन समाजातील विश्वास दृढ झाला आहे.
सदरील रूट मार्च व फ्लॅग मार्च हा नागोठणे पोलिस ठाणे येथून प्रभू आळी, केएमजी चौक, मोहल्ला, खुमाचा नाका मार्गे छत्रपती शिवाजी महाराज बाजारपेठ, छत्रपती शिवाजी महाराज चौक तसेच विभागातील बेणसे गाव या ठिकाणी आयोजित करण्यात आला.
नागोठणे पोलीस ठाणे व द्रुत कृती दलाचा हा समन्वित प्रयत्न लोकांमध्ये शांतता व सुव्यवस्था टिकवण्याच्या दृष्टीने महत्त्वपूर्ण ठरला असून या मार्चचे नेतृत्व 102 बटालियन, द्रुत कार्य बल (RAF) चे सहायक कमांडट अजीत कुमार अण्णा क्षीरसागर यांनी केले असून त्यांच्यासोबत निरीक्षक दत्तात्रय मोहिते, जनसंपर्क अधिकारी धनंजय गुजर तसेच 34 कर्मचारी तसेच नागोठणे पोलीस ठाण्याचे अधिकारी व कर्मचारी सहभागी झाले होते.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading