नागोठणे नगरीत हर हर महादेव; महाशिवरात्री मोठ्या भक्तिभावाने साजरी

नागोठणे (महेंद्र माने) :

प्रभुआळीतील चांद्रसेनीय कायस्थ प्रभू (सी. के. पी.) समाजाच्या रामेश्वर मंदिर व ब्राह्मण समाजाच्या नवीन रामेश्वर मंदिरात बुधवार 26 फेब्रुवारी रोजी महाशिवरात्र उत्सव मोठ्या उत्साहात व भक्तिभावाने साजरी करण्यात आली. या वेळी शहर व विभागातील हजारो शिवभक्तांनी मंदिरात जाऊन शिव लिंगाचे दर्शन घेतले.

या धार्मिक कार्यक्रमाचा शुभारंभ चांद्रसेनीय कायस्थ प्रभू समाजाच्या रामेश्वर मंदिरामध्ये पहाटे साडेसहा वाजता संजय अधिकारी व अमिता अधिकारी या दांपत्याच्या हस्ते पूजनाने करण्यात आलं. दिवसभरात भक्त गनांच्या उपस्थितीत पूजा – अर्चा करण्यात आली.

सायंकाळी श्री रामेश्वराची काढण्यात आलेली पालखी शहरात फिरविण्यात आली. त्यावेळी प्र्यत्येक घरासमोर रांगोळी काढून नागरिकांनी मनोभावे पूजा केली.

दिवसभरात शहर व विभागातील हजारो शिवभक्तांनी चांद्रसेनीय कायस्थ प्रभू समाजाच्या रामेश्वर मंदिर व ब्राम्हण समाजाच्या नवीन रामेश्वर मंदिरात येऊन श्री शंकराचे स्वयंभू पिंडीचे दर्शन घेतले. कार्यक्रम यशस्वी करण्यासाठी विश्वस्त मंडळाचे पदाधिकाऱ्यांसह चांद्रसेनीय कायस्थ प्रभू व ब्राह्मण समाज बांधवांनी विशेष परिश्रम घेतले.