नागोठणे नगरीत मंत्री अदिती तटकरे यांचं जंगी स्वागत

नागोठणे ( महेंद्र माने ) :

छत्रपती शिवाजी महाराज चौकात सोमवार 23 डिसेंबर रोजी मंत्री मंडळ निवडी नंतर नागोठण्यात प्रथमच येत असलेल्या राज्याच्या महिला व बाल विकास कॅबिनेट मंत्री मंत्री अदितीताई तटकरे यांचे फटाक्यांच्या आताष बाजीत शाल,श्रीफळ व पुष्पगुच्छ देऊन जंगी स्वागत करण्यात आले.

मंत्री अदिती तटकरे यांचे छ.शिवाजी महाराज चौकात आगमन होताच फटाक्यांच्या आताषबाजी करण्यात आली. यावेळी ना. तटकरे यांनी छ.शिवाजी महाराज पुतळ्याला पुष्पहार अर्पण करून अभिवादन केले.

यावेळी रा.कॉ जेष्ठ नेते शिवराम शिंदे, नरेंद्र जैन, विलास चौलकर, अनिल काळे,प्रकाश जैन,संतोष कोळी यांच्या प्रमुख उपस्थितीत ना. तटकरे यांचा शाल, श्रीफळ व पुष्पगुच्छ देऊन जंगी स्वागत करण्यात आले. यावेळी रा.कॉग्रेस कार्याध्यक्ष नागोठणे जि.प.गट सचिन कळसकर, भाजपा तालुका सरचिटणीस आनंद लाड, रा.कॉ.जिल्हा महिला सरचिटणीस आशा शिर्के, रा.कॉ.विभागीय उपाध्यक्ष दिनेश घाग, रा.कॉ शहराध्यक्ष बाळासाहेब टके, भाजपा शहराध्यक्ष सचिन मोदी, प्रियदर्शनी संस्थेचे चेअरमन सिराज पानसरे, वणी माजी सरपंच प्रगती आवाद, कडसुरे माजी सरपंच अमिता शिंदे, वणी माजी उपसरपंच महेंद्र हंबीर यांच्यासह राजेंद्र शिंदे, दिपेंद्र आवाद, राजेंद्र लवटे, अतुल काळे, प्रथमेश काळे, धनराज उमाळे, सुनील लाड, शेखर गोळे, तिरत पोलसानी, कुणाल तेरडे, पवन पोलसानी, प्रतिभा तेरडे, पूनम काळे, सोनल जैन,मनोज ताडकर यांच्यासह विभागातील महायुतीचे कार्यकर्ते उपस्थित होते.